Ben Feringa
Bernard Lucas „Ben“ Feringa (* 18. Mai 1951 in Barger-Compascuum) is en nedderlannsch Chemiker (Orgaansche Chemie, Molekulare Nanotechnologie). Hüm wurr 2016 gemeensam mit Jean-Pierre Sauvage un James Fraser Stoddart de Nobelpries för Chemie för „dat Design un de Synthese vun molekularen Maschinen“ tospraaken.
Leven
[ännern | Bornkood ännern]Bernard Lucas Feringa wurr an' 18. Mai 1951 in Barger-Compascuum as Söhn vun den Buur Geert Feringa (1918-1993) un de sien Ehefru Lies Feringa geb. Hake (1924–2013) boren.[1] He is vun nedderlannsch un düütsch Afstammen. To sien Vörfohren tellt de Moorpionier Johann Gerhard Bekel.[2]
Feringa hett Chemie an de Universität Grunneng studeert. Dat Studium hett he 1974 afslooten, 1978 hett he dor sien Doktertitel bi Hans Wijnberg över asymmetrische Phenol-Oxidatschoon kreegen. Dornah forsch he bi Shell in den Nedderlannen un Grootbritannien, bevör he 1984 Dozent in Grunneng wurr. Siet 1988 is he dor Perfesser för Orgaansche Chemie. 2008 wurr he Akademie-Perfesser vun de Nedderlannsch Akademie vun de Wetenschapen. He is Jacobus H. van’t Hoff Distinguished Professor of Molecular Sciences un Direkter vun dat Zentrum för Systemchemie.
He weer Gastperfesser in Löwen, Santiago de Compostela, Potenza un an de University of Colorado.
Wark
[ännern | Bornkood ännern]Feringa befaat sück mit Organischer Synthese, Stereochemie, asymmetrischer Katalyse (Enantioselektive Katalyse, dat heet, se ünnerscheed tüschen en Molekül un den optischen Isomer), Supramolekularer Chemie un Nanowetenschapen (Synthese molekularer Schalter un synthetischer molekularer Motoren, Sülvst-Tosommenbau vun molekularer Nanosysteme). 1999 gelung hüm en völbeacht Dörbröök mit de Entwicklung vun en luchtbedreeven molekularen Motor.
He is Herutgever vun Chemistry World un Mitbegrünner vun de Firma SelAct (Updragsforschung in Chemie).
Ehrungen
[ännern | Bornkood ännern]- 2003 mit Martin Möller un annern den Körber-Pries för de Europääsch Wetenschap för en mit Lucht bedreven Molekül-Motor
- 2004 Spinoza-Pries
- 2005 Prelog-Pries
- 2007 James Flack Norris Award
- 2008 Paracelsus-Pries
- 2008 Wurr he in den Nedderlannen adelt
- 2009 Chirality Medal
- 2012 Humboldt-Forschungspries
- 2013 Marie Curie Medaille vun de Poolsch Chemischen Sellschopp
- 2016 August-Wilhelm-von-Hofmann-Denkmünt
- 2016 Tetrahedron-Pries
- 2016 Nobelpries för Chemie gemeensam mit Jean-Pierre Sauvage un James Fraser Stoddart
He is buterdem Liddmaat vun de Königlich Nedderlannsch Akademie vun de Wetenschapen un deren Viezpräsident. He is todem utwärtig Liddmaat vun de American Academy of Arts and Sciences.
Schriften
[ännern | Bornkood ännern]- Ben L. Feringa, Nagatoshi Koumura, Robert W. J. Zijlstra, Richard A. van Delden, Nobuyuki Harada: Light-driven monodirectional molecular rotor. In: Nature. Band 401, Nr. 6749, 1999, S. 152–155, doi:10.1038/43646.
- S. P. Fletcher, F. Dumur, M. M. Pollard, B. L. Feringa: A Reversible, Unidirectional Molecular Rotary Motor Driven by Chemical Energy, Science 310, 2005, S. 80–82, doi:10.1126/science.1117090.
- Javier Vicario, Martin Walko, Auke Meetsma, Ben L. Feringa: Fine Tuning of the Rotary Motion by Structural Modification in Light-Driven Unidirectional Molecular Motors, J. Am. Chem. Soc., 128, 2006, S. 5127–5135, doi:10.1021/ja058303m.
- Javier Vicario, Auke Meetsma, Ben L. Feringa: Controlling the speed of rotation in molecular motors. Dramatic acceleration of the rotary motion by structural modification, Chem. Commun., 2005, S. 5910–5912, doi:10.1039/B507264F.
Weblenken
[ännern | Bornkood ännern]
- Biografie an de Universität Grunneng
- Websteed vun sien Grupp
- Biografie bi ChemComm
- Spinoza Pries för Feringa