сүх

Монголоор

Үгийн дуудлага

[sьxĕ]

Үндэсний бичиг

ᠰᠣ᠊᠊ᠢ᠊ᠭᠡᠡ᠋

(сүхэ)

Галиглах зарчим

Үгийн утга

I нэр.

1. Юм цохих хагалахад хэрэглэх төмрөөр хийсэн ир, мөртэй зэвсэг
2. хуучир. Толгой нь сүхтэй адил, урт иштэй, эртний цэргийн нэгэн зүйл зэвсэг.

II нэр.хуучир.

1. Хэвэнд цутгасан мөнгөн ембүү, нэг мөнгөн сүх тавин лантай тэнцэнэ.

Нийлмэл үг

алман сүх - хэлтгий саран хэлбэртэй, дугуй иртэй сүх

балт сүх - тал иртэй саран хэлбэртэй сүх

жижиг сүх - овор багатай сүх

тал сүх - нэг талаас нь ирлэсэн сүх

том сүх - овор ихтэй сүх

хангинуур сүх - нимгэн хавтгай, хурц иртэй сүх

түлээний сүх - түлээ хагалахад хэрэглэх ир муутай сүх

сүхний ааг - сүхний ирний уг

сүхний бариул - сүхний ишнээс барих хэсэг

сүхний ир - сүхний юм цавчих хэсэг

сүхний иш - сүхний бариул

сүх ирлэх - сүхний цавчих хэсгийг иртэй болгох

сүхээр цавчих - сүхний иртэй этгээдээр хүчтэй орхиж юмыг хагалах, таслах

Зөв бичихзүй

Үг хувилгах зарчим

Кирил бичгийн зөв бичихзүй

сүх нэр. сүхний, сүхэнд, сүхнээс, о.тоо сүхнүүд

Үндэсний бичгийн зөв бичихзүй

ᠰᠣ᠊᠊ᠢ᠊ᠭᠡ᠊ᠨ ᠊ᠣ
ᠰᠣ᠊᠊ᠢ᠊ᠭᠡ᠊ᠨ ᠳ᠋ᠣ
ᠰᠣ᠊᠊ᠢ᠊ᠭᠡᠡ᠋ ᠊ᠢ᠊᠊ᠢ
ᠰᠣ᠊᠊ᠢ᠊ᠭᠡ᠊ᠨ ᠡᠴ᠊‍᠊ᠨ
ᠰᠣ᠊᠊ᠢ᠊ᠭᠡᠡ᠋ ᠪᠡ᠊ᠷ
ᠰᠣ᠊᠊ᠢ᠊ᠭᠡᠡ᠋ ᠲ᠋‍ᠠ‍᠊ᠢ
ᠰᠣ᠊᠊ᠢ᠊ᠭᠡᠡ᠋ ᠡᠣ᠊᠊ᠷᠣ᠊ᡍᠣ
ᠰᠣ᠊᠊ᠢ᠊ᠭᠡᠡ᠋ ᠪᠡ᠊‍᠊ᠨ
ᠰᠣ᠊᠊ᠢ᠊ᠭᠡᠡ᠋ ᠨᠣ᠊ᠬᠥᠣ᠊᠊ᠨ

/~ий /~д /~ийг /ээс /~ээр /~тэй /~ рүү /~ээ /~үүд

Хоршоо үг

• сүх бялуу - төмөр, мод зэргээр хийсэн цавчих, цохих багаж зэвсэг
• хөрөө сүх - юмыг тайрах болон цавчих хэрэгсэл

Хэлц үг

Өвөрмөц хэлц

буруу ишилсэн сүх шиг - зөрүүд, адайр зантай

сүхэндээ байна уу, ишиндээ байна уу - хэн нь буруутай вэ

Хэвшмэл хэлц

Зүү хураавал сүх болдог

Сүх хураавал сүм болдог

Сүжиг байвал бурхан холгүй

Сүх байвал түлээ холгүй

Сүр бадруулж

Сүх далайх

Сүр хэсгийг тэнцүүлэн чадагч

Сүх илдийг ч уяруулж чадна

Сүрэг байвал хоол холгүй

Сүх байвал түлээ холгүй

Сүү хөөрвөл гал дээр

Сүх сугарвал толгой дээр

Сүү хөөрүүлбэл галаа тат

Сүх сугарвал толгойгоо тат

Сүх авах хүн онгийг нь хардаг

Хүү авах хүн удмыг нь хардаг

Сүх далайтал үхэр амарна

Сүх далайтал хүзүү амарна

Сүх далайтал

Үхэр гурав амьсгалдаг

Сүх ишиндээ баригдах

Ээж эрдээ баригдах

Сүх далайтал хожуул амар

Сүүл шарватал гуя амар

Сүх хураавал сүм болно

Аман зохиолд орсон нь

Зүйр үг

Сүхээр хад цохивол сөрөөд биед ирдэг

Үгээр хүн зүхвэл буцаад биед ирнэ

Тайлбар: хүнийг хорлохоор оролддог хүн өөрийн хороо амсдаг

Сүх далайтал үхэр амар

Сүүж автал чөмөг амар

Тайлбар: хэрэг явдлыг болох хүртэл тайван амгалан байх

Үгэнд үхэхээр сүхэнд үх

Тайлбар: үг дааж сур