ഏണസ്റ്റ് റൂഥർഫോർഡ്

ഇംഗ്ലീഷ് വിലാസം

https://ml.wikipedia.org/wiki/Ernest_Rutherford

ഏണസ്റ്റ് റഥർഫോർഡ്
ജനനം	(1871-08-30)ഓഗസ്റ്റ് 30, 1871 ബ്രൈറ്റ്‌വാട്ടർ, ന്യൂസിലന്റ്
മരണം	ഒക്ടോബർ 19, 1937(1937-10-19) (പ്രായം 66) കേംബ്രിഡ്ജ്, ഇംഗ്ലണ്ട്
ദേശീയത	ഇംഗ്ലണ്ട്
അറിയപ്പെടുന്നത്	ആണവഭൗതികത്തിന്റെ പിതാവ് ആറ്റത്തിന്റെ ഘടന വ്യക്തമാക്കി പ്രോട്ടോണിന്റെ കണ്ടുപിടിത്തം റേഡിയോ ആക്റ്റിവിറ്റി അളക്കാനുള്ള ഏകകം
പുരസ്കാരങ്ങൾ	നോബൽ സമ്മാനം(രസതന്ത്രം)
ശാസ്ത്രീയ ജീവിതം
പ്രവർത്തനതലം	ഭൗതികശാസ്ത്രം
സ്ഥാപനങ്ങൾ	മക് ഗിൽ യൂണിവേഴ്സിറ്റി വിക്ടോറിയാ യൂണിവേഴ്സിറ്റി(മാഞ്ചസ്റ്റർ)
അക്കാദമിക് ഉപദേശകർ	ജെ.ജെ.തോംസൺ
ഒപ്പ്

ഏണസ്റ്റ് റഥർഫെർഡ്, ബാരൺ റഥർഫെർഡ് ഓഫ് നെൽസണ് ഒന്നാമൻ ‍ ഓ.എം., എഫ്.ആർ.എസ്ഒരു ന്യൂസിലാന്റിൽ ജനിച്ച ബ്രിട്ടീഷ് പൗരനായ ഊർജ്ജതന്ത്രജ്ഞനും രസതന്ത്രജ്ഞനുമായിരുന്നു. അണുകേന്ദ്രഭൗതികത്തിന്റെ പിതാവായി അറിയപ്പെടുന്നത് ഇദ്ദേഹമാണ്. തന്റെ സ്വർണത്തകിട് പരീക്ഷണത്തിലൂടെ ന്യൂക്ലിയസിന്റെ റഥർഫോർഡ് വിസരണം കണ്ടെത്തിക്കൊണ്ട് ഇദ്ദേഹം ഓർബിറ്റൽ സിദ്ധാന്തത്തിന് തുടക്കം കുറിച്ചു. ന്യൂക്ലിയാർ ഭൗതികത്തിന്റെ പിതാവായാണ് ഇദ്ദേഹം അറിയപ്പെടുന്നത്. മൈക്കൽ ഫാരഡേയ്ക്ക് (1791–1867) ശേഷമുണ്ടായ ഏറ്റവും പരീക്ഷണാത്മകതയുള്ള ശാസ്ത്രജ്ഞനായി ഇദ്ദേഹം കണക്കാക്കപ്പെടുന്നു.

റേഡിയോ ആക്റ്റീവ് മൂലകങ്ങളുടെ ഹാഫ് ലൈഫ് ഇദ്ദേഹത്തിന്റെ പരീക്ഷണങ്ങളിലൂടെയാണ് കണ്ടെത്തപ്പെട്ടത്. റേഡിയോ ആക്റ്റീവതയിലൂടെ ഒരു മൂലകം മറ്റൊന്നായി മാറുന്നുവെന്നും ഇദ്ദേഹം കണ്ടെത്തുകയുണ്ടായി. ആൽഫാ റേഡിയേഷൻ, ബീറ്റാ റേഡിയേഷൻ എന്നിവയെ കണ്ടെത്തുകയും അവയ്ക്ക് പേരുകൾ നൽകുകയും ചെയ്തത് ഇദ്ദേഹമാണ്. കാനഡയിലെ മക്‌ഗിൽ സർവ്വകലാശാലയിലാണ് ഈ കണ്ടുപിടിത്തം നടന്നത്. 1908-ൽ ഇദ്ദേഹത്തിന് രസതന്ത്രത്തിനുള്ള നോബൽ സമ്മാനം ലഭിച്ചത് മൂലകങ്ങളുടെ ശിധിലീകരണത്തെപ്പറ്റിയുള്ള പഠനത്തിനും റേഡിയോ ആക്റ്റീവ് മൂലകങ്ങളുടെ രസതന്ത്രം സംബന്ധിച്ച പഠനത്തിനുമാണ്.

1907-‌ൽ ഇദ്ദേഹം ബ്രിട്ടനിലെ മാഞ്ചസ്റ്ററിലുള്ള വിക്ടോറിയ ക്രോസ്സ് സർവ്വകലാശാലയിലേയ്ക്ക് മാറി. ഇദ്ദേഹവും സഹപ്രവർത്തകനും ചേർന്ന് ആൽഫാ റേഡിയേഷൻ യഥാർത്ഥത്തിൽ ഹീലിയം അയോണുകളാണെന്ന് തെളിയിച്ചു. റൂഥർഫോർഡ് ഇദ്ദേഹത്തിന്റെ ഏറ്റവും പ്രശസ്തമായ കണ്ടുപിടിത്തം നടത്തിയത് നോബൽ സമ്മാനം ലഭിച്ചതിനു ശേഷമാണ്. 1911-ൽ തന്മാത്രകളുടെ ചാർജ്ജ് അതിന്റെ ന്യൂക്ലിയസിലാണ് സ്ഥിതി ചെയ്യുന്നത് എന്ന സിദ്ധാന്തം ഇദ്ദേഹം മുന്നോട്ടുവച്ചത് ഇതിന്റെ ചാർജ്ജ് പോസിറ്റീവാണോ നെഗറ്റീവാണോ എന്ന് ഇദ്ദേഹത്തിന് തെളിയിക്കാനായില്ല. തന്മാത്രകളുടെ റൂഥർഫോർഡ് മാതൃക ഇദ്ദേഹം റൂഥർഫോർഡ് സ്കാറ്ററിംഗ് എന്ന പ്രതിഭാസം കണ്ടെത്തുകയും വിശകലനം ചെയ്യുകയും ചെയ്തതിലൂടെയാണ് ഈ തന്മാത്രാ മാതൃകാസിദ്ധാന്തം രൂപീകരിച്ചത്. സ്വർണ്ണ ഫോയിൽ ഉപയോഗിച്ചുള്ള പരീക്ഷണത്തിലൂടെയാണ് റൂഥർഫോർഡ് സ്കാറ്ററിംഗ് പ്രതിഭാസം ഇദ്ദേഹം കണ്ടെത്തിയത്. 1917 -ൽ നൈട്രജനും ആൽഫാ പാർട്ടിക്കിളുകളും തമ്മിലുള്ള ന്യൂക്ലിയാർ പ്രതിപ്രവർത്തനത്തിലൂടെ ആദ്യമായി അണുവിഘടനം നടത്തിയത് ഇദ്ദേഹമാണ്. ഈ പരീക്ഷണത്തിലൂടെ ഇദ്ദേഹം പ്രോട്ടോൺ കണ്ടെത്തുകയും ഇതിന് പേരിടുകയും ചെയ്തു.

ഇദ്ദേഹം 1919-ൽ കേംബ്രിഡ്ജിലെ കാവൻഡിഷ് ലബോറട്ടറിയുടെ ഡയറക്റ്ററായി നിയമിതനായി. ഇദ്ദേഹത്തിന്റെ നേതൃത്വത്തിൽ ജെയിംസ് ചാഡ്‌വിക്ക് 1932-ൽ ന്യൂട്രോൺ കണ്ടെത്തുകയുണ്ടായി. 1937-ൽ ഇദ്ദേഹം മരിച്ചതിനുശേഷം ഇദ്ദേഹത്തിന്റെ ശവശരീരം മറവുചെയ്തത് ഐസക് ന്യൂട്ടന്റെ ശവകുടീരത്തിനടുത്തായാണ്. റൂഥർഫോർഡിയത്തിന് (104-ആമത്തെ മൂലകം) 1997-ൽ ഇദ്ദേഹത്തിന്റെ പേര് നൽകപ്പെടുകയുണ്ടായി.

കൂടുതൽ വായനയ്ക്ക്

• doi:10.1039/RR9710400129
  This citation will be automatically completed in the next few minutes. You can jump the queue or expand by hand
• J. Campbell (1999) Rutherford: Scientist Supreme, AAS Publications, Christchurch
• doi:10.1098/rspa.1954.0254
  This citation will be automatically completed in the next few minutes. You can jump the queue or expand by hand
• Reeves, Richard (2008). A Force of Nature: The Frontier Genius of Ernest Rutherford. New York: W. W. Norton. ISBN 0-393-33369-8
• Rhodes, Richard (1986). The Making of the Atomic Bomb. New York: Simon & Schuster. ISBN 0-671-44133-7
• Wilson, David (1983). Rutherford. Simple Genius, Hodder & Stoughton, ISBN 0-340-23805-4

പുറത്തേയ്ക്കുള്ള കണ്ണികൾ

• Biography Archived 2008-07-23 at the Wayback Machine. from Nobel prize official website
• Nobel Lecture The Chemical Nature of the Alpha Particles from Radioactive Substances
• The Rutherford Museum
• Rutherford Scientist Supreme
• Profile from American Public Broadcasting Service
• Profile from The New Zealand Edge Archived 2009-03-02 at the Wayback Machine.
• Annotated bibliography for Ernest Rutherford from the Alsos Digital Library for Nuclear Issues Archived 2006-05-16 at the Wayback Machine.
• Biography in 1966 An Encyclopaedia of New Zealand
• Rutherford at Canterbury University College from The Rutherford Journal
• Rutherford's Timebomb Archived 2007-09-30 at the Wayback Machine. Article on Rutherford's contribution to dating the Age of the Earth
• BBC Radio 4: In Our Time — Rutherford
• The Rutherford Collection at his alma mater the University of Canterbury
• Ernest Rutherford NZ Post stamp, 2008 — includes link to short biography and other sources (NZHistory.net.nz)