Pixies

Pixies
The Pixies на настап во 2019. Од лево: Џои Сантјаго, Блек Френсис, Дејвид Ловеринг, Паз Ленчантин
Животописни податоци
Потекло	Бостон, Масачусетс, САД
Жанрови	Алтернативен рок инди рок панк рок сурф рок ноис поп
Период на активност	1986–1993 2004–денес
Издавачи	4AD Elektra Cooking Vinyl Spin Art Artemis Pixiesmusic PIAS
Мреж. место	pixiesmusic.com
Членови
Блек Френсис Џои Сантјаго Дејвид Ловеринг Паз Ленчантин
Поранешни членови
Ким Дил Ким Шатак

The Pixies ― американска рок група основана во 1986 година, во Бостон. До 2013 година, членови на групата биле Блек Френсис (вокал, ритам гитара, текстописец), Џои Сантјаго (гитара), Ким Дил (бас, вокал) и Дејвид Ловеринг (тапани). Во 1993 година, членовите се скарале и групата се распаднала; повторно се обединиле во 2004 година. По заминувањето на Дил во 2013 година, Pixies за своите турнеи како басист ја ангажирале Ким Шатак; истата година таа била заменета со Паз Ленчатин, која станала постојан член во 2016 година.

Pixies се поврзуваат со алтернативниот рок бум од 1990-тите и обично нивната музика има панк рок и сурф рок елементи. Нивната музика е позната и по динамичните „гласно-тивко-гласно“ промени и структурата на песната. Френсис е главен текстописец за Pixies; неговите стихови често имаат невообичаена тематика како вонземјани, инцест и библиско насилство. Бендот имал скромна популарност во САД, но бил многу поуспешен во Европа. Нивниот поп звук влијаел врз групи како: Нирвана, Radiohead, Smashing Pumpkins и Weezer. Популарноста на Pixies растела во годините по нивното распаѓање, што довело до нивно повторно обединување во 2004 година, распродадени светски турнеи и уште четири нови албуми: Indie Cindy (2014), Head Carrier (2016), Beneath the Eyrie (2019) и Doggerel (2022).

Дискографија

Студиски албуми

• Surfer Rosa (1988)
• Doolittle (1989)
• Bossanova (1990)
• Trompe le Monde (1991)
• Indie Cindy (2014)
• Head Carrier (2016)
• Beneath the Eyrie (2019)
• Doggerel (2022)

Надворешни врски

• Матична страница
• Pixies на Curlie (англиски)