Sagitigo

Sagitigo
	sagitigo ndak samo panjang

Dalam matematik, sagitigo itu suatu bangun data sisi banyak nan sisinyo ado tigo. Sagitigo lah bangun data sisi banyak nan paliang sederhaha, sabab indak ado bangun data nan basisi kurang dari tigo. Tigo sisi, yakni rueh garih luruih sagitigo itu, batamu di tigo titiak mambantuak tigo titiak suduik.

Pado suatu sagitigo, ciek sisi dipiliah manjadi aleh, dan duo sisi lain disabuik kaki.

Namo-namo sagitigo

Dicaliak dari sisinyo, sagitigo itu ado:

Sagitigo samo sisi, yaitu sagitigo nan katigo-tigo sisinyo samo panjang. Suduik-suduik sagitigo samo sisi pun samo gadang, yaitu 60°.
Sagitigo samo kaki, yaitu sagitigo nan ado duo sisinyo nan samo panjang. Suduik antaro kaduo kaki sagitigo iko salalu samo, bagantuang jo ukuran panjang sisinyo.
Sagitigo sumbarang, yaitu sagitigo nan panjang katigo-tigo sisinyo balain-lain.


Samo sisi	Samo kaki	Sumbarang

Dicaliak dari suduiknyo, sagitigo itu ado:

Sagitigo lancip, yaitu sagitigo nan katigo-tigo sisinyo lancip.
Sagitigo siku-siku, yaitu sagitigo nan ado ciek suduiknyo nan tagak luruih 90°.
Sagitigo tumpua, yaitu sagitigo nan ado ciek suduiknyo nan cakah.


Siku-siku	Tumpua	Lancip

Sifaik sagitigo

Di antaro sifaik sagitigo adolah jiko ditantuan panjang sisinyo, suduiknyo alah pasti tatap dan bangunnyo tagok indak nyo ka bagisa lai. Iko indak balaku untuk bangun data basagi labiah dari tigo. Sabagai contoh: sagi ampek nan samo sisi buliah jadi pasagi, jajar genjang, atau balah katupek.

Baramulo Euklides itu manyusun aksioma geometri, yakni putuihan pangka ilmu ukua, bahaso jarak tasingkek antaro duo titiak adolah garih luruih nan mahubuangan kaduo titiak itu. Mako dari itu balaku: jumlah panjang duo sisi sagitigo salalu labiah dari panjang sisi nan ciek lai. Sifaik iko disabuik urang ketaksamoan sagitigo. Dalam rumus ditulih ${\rm {BC\leq BA+AC,~~AB\leq AC+CB~~jo~~AC\leq AB+BC.}}$

Dalam aksioma-nyo Euklides ado juo diputuihan tantang garih-garih nan sajaja. Dari itu kudiannyo dapek diungkai bahaso jumlah suduik dalam sagitigo salalu 180°.

Rumus

Untuak mancari lueh sagitigo, dapek digunoan rumus

L={\frac {a\cdot h_{a}}{2}}

Di siko, L makasuiknyo lueh, a makasuiknyo aleh, dan h_a makasuiknyo tinggi sagitigo katiko alehnyo a. Rumus iko dapek diketahui, salah satunyo dari rumus lueh pasagi panjang.