Windows 2000
|
Quest articol chì l'è scrivud in lombard, con la Noeuva Ortografia Lombarda |
El Windows 2000 l'è 'na version magiora del sistema operativ Windows NT desvilpad de Microsoft e orientad ai imprese. L'è stad el sucessor diret de Windows NT 4.0, e l'è stad dad foeura ai produtor el 15 de dicember del 1999 e l'è stad mitud in vendita per la distribuzion al 17 de fevrer del 2000, el 26 de setember del 2000 per Windows 2000 Datacenter Server. L'è stad el sistema operativ business de Microsoft fin a la introduzzion de Windows XP Professional in del 2001.
El Windows 2000 l'ha mitud dent el NTFS 3.0,[1] Encrypting File System,[2] e anca el disk storage dinamegh.[3] L'è stad fad pussee bon rispet al Windows NT 4.0 el suport per i utent cont una disabilità, cont un numer de noeuve tecnologie de assistenza,[4] e Microsoft l'ha volzad anca el suport per i lengov diferent[5] e i informazzion de locale.[6] La familia de Windows 2000 Server la gh'ha di fonzion pussee, la pussee importanta Active Directory,[7] che in di agn a vegnì l'è deventada un sistema assee spantegad in di ambient business.
Quater edizzion del Windows 2000 inn stade dade foeura: Professional, Server, Advanced Server e Datacenter Server; la darrera l'è stada dada foeura mes dopo di alter edizzion.[8][9] Anca se ogni edizzion de Windows 2000 l'era destinada a un mercad diferent, i gh'haveva in comun un set de fonzion centrai, compagne di tante utilità del sistema tant 'me la Microsoft Management Console e i aplicazzion de aministrazzion del sistema standard.
La Microsoft l'ha vendud el Windows 2000 comè la version del Windows pussee segura de tucc i temp; però, l'è deventada bersaj de una serie de atach de virus assee cognossud comè Code Red[10] e Nimda.[11][12] Per 10 agn dopo che l'hann dad foeura, l'ha sutad a ricever i patch per i vulnerabilità de sigurezza squasi ogni mes fin a la fine del suport el 13 de luj del 2010, el midem dì che l'è fornid per Windows XP SP2.[13]
Windows 2000 e Windows 2000 Server inn stad sucedud da Windows XP e Windows Server 2003, sortid in del 2001 e del 2003.
Windows 2000 l'è la darrera version de Windows NT che la suporta PC-98, i486 e SGI Visual Workstation 320 e 540, anca Alpha, MIPS e PowerPC in version alfa, beta e candidate release. El sò successor, Windows XP, el suporta domà i processor x86, x64 e Itanium.
Varda anca
[Modifega | modifica 'l sorgent]- Architetura de Windows NT
- BlueKeep (vulnerabilità de sigurezza)
- DEC Multia, vun di computer DEC bon de fà andà Windows 2000 Beta
- Microsoft Servers, la marca de software de server de red de Microsoft
- Windows Neptune, sistema per consumator fondad in su Windows 2000
Alter proget
[Modifega | modifica 'l sorgent]Wikimedia Commons el gh'ha dent imagin o alter archivi su Windows 2000
Riferiment
[Modifega | modifica 'l sorgent]- ↑ New Capabilities and Features of the NTFS 3.0 File System. Microsoft Support. Microsoft.
- ↑ Implementing the Encrypting File System in Windows 2000. TechNet. Microsoft.
- ↑ Disk Management. TechNet. Microsoft.
- ↑ Windows 2000 Professional Accessibility Features. Microsoft.
- ↑ Frequently Asked Questions: Windows Server 2003, Windows XP, and Windows 2000 MUI. MSDN. Microsoft.
- ↑ Windows 2000 - List of Locale IDs and Language Groups. Global Development and Computing Portal. Microsoft.
- ↑ Windows 2000 Server Family. TechNet. Microsoft.
- ↑ Microsoft Renames Windows NT 5.0 Product Line to Windows 2000; Signals Evolution of Windows NT Technology Into Mainstream. News Center. Microsoft (October 27, 1998).
- ↑ Microsoft Announces Final Packaging for Windows 2000. News Center. Microsoft (August 17, 1999).
- ↑ 'Code Red' Worm Exploiting Buffer Overflow in IIS Indexing Service DLL. CERT Coordination Center. Software Engineering Institute (July 19, 2001).
- ↑ Microsoft and CyberSafe Extend Windows 2000 Security Across the Enterprise. News Center. Microsoft (January 17, 2000).
- ↑ Nimba called most serious Net attack on business. USA Today. Gannett Company (September 25, 2001).
- ↑ Microsoft Product Lifecycle for Windows 2000 family. Support. Microsoft.