BASIC
El BASIC l'è 'n lenguagg de programmazion a volt nivell desviluppaa in di primm agn 1960 a l'Università de Dartmouth. L'even progetaa i professor John George Kemeny e Thomas Eugene Kurtz e 'l primm programma BASIC l'è staa faa partii ai or 4:00 del 1 de magg del 1964.
L'è staa el lenguagg pussee important e famos del mond di home computer, e vist che tucc i cà faseven la sò version gh'even on mucc de dialett del BASIC.
El BASIC l'è restaa squasi compagn de quell del 1964 finna ai prim agn del 1990, quand che la Microsoft l'ha faa sortii foeura el Visual Basic, indova la GUI l'era definida cont el Drag and Drop, e 'l lenguagg el serviva domà a dì cossa fà quand che 'l succedeva vergòtt.