Ideologie

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

'n Ideologie is 'n samehangendje en aafgeróndje vergaoring van ideeje euvere samelaeving.

Ideologieje kónnen algemein van aerd zeen, meh zich ouch specifiek toespitsjen op e bepaoldj aspèk vanne samelaeving, wie de politiek (beveurbeildj imperialisme of globalisme) of 't ikkenomisch stèlsel (beveurbeildj socialisme en kapitalisme).

Me stèltj luuj die sterk 'n ideologie aanhangen en dao hieël principeel in zeen (zuuch: fundamentalisme) döks taengeneuver pragmatische luuj. Trótsdet zów me 't pragmatisme ouch es 'n, zie 't bepirkdje, ideologie kónne besjoewe.

'ne Persoean dae es de gróndjlègker of verdeidiger van 'n ideologie geldj wuuertj 'nen ideoloog geneump.