Egyptisch
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Egyptisch (otonieme r n km.t en ϯⲙⲉⲧⲣⲉⲙⲛ̀ⲭⲏⲙⲓ timetrem en chemi) is 'n Afroaziatische taol die vaanajds gesproke woort in Egypte, dat wèlt zègke aon d'n onderluip vaan de Nijl. De taol is gooddeils oetgestorve, al is ze nog wel in beperk gebruuk (veural es liturgische taol). De taol is bekind vaanaof zeker begin daarde millennium veur Christus en heet daomèt de laankste sjriftraditie vaan alle taole op de wereld. 't Groetste deil vaan zien historie woort 't Egyptisch mèt inheimse sjrifte gesjreve: hiërogliefe, hiëratisch sjrif en demotisch sjrif; in zien lèste faas woort 't mèt Griekse lètters opgesjreve en geit me vaan Koptisch spreke. 't Egyptisch heet of had veur zoewied bekind allein wij verwante.
