Wouter Weylandt

Wouter Weylandt
Wouter Weylandt
Gebuer	27. September 1984; Gent
Gestuerwen	9. Mee 2011
Nationalitéit	Belsch
Aktivitéit	Vëlossportler
Gréisst	184 cm
Gewiicht	72 kg
Veräin/Ekipp	Etixx-Quick Step,; Trek-Segafredo
Huet matgemaach bei	Vuelta a España, Giro d'Italia, UCI ProTour 2006, UCI ProTour 2007, UCI ProTour 2008

De Wouter Weylandt, gebuer de 27. September 1984 zu Gent, a gestuerwen den 9. Mee 2011 zu Mezzanego^[1], war e belsche Vëlossportler.

Liewen

De Wouter Weylandt huet 2004 d'U23-Course vum Grand Prix Waregem gewonnen. Am Hierscht ass hie fir Quick·Step-Innergetic als Stagiaire gefuer a krut doropshin e Profi-Kontrakt fir 2005 bei der ProTour-Ekipp. 2005 huet hien de GP Briek Schotte gewonnen. Seng gréisst Succèsen hat e bei Etappevictoirë bei der Vuelta a España 2008 an dem Giro d'Italia 2010.

Fir d'Saison 2011 ass e vu Quick Step bei déi nei gegrënnten Ekipp Leopard Trek gewiesselt.

Déidlechen Accident

Den 9. Mee 2011 ass de Weylandt beim Giro d'Italia bei der Descente vum Passo del Bocco gefall, ronn 25 Kilometer virun der Arrivée zu Rapallo. Hien hat eng Schiedelbasisfraktur an ass nach op der Plaz vum Accident gestuerwen.^[2]