Minotaur (Rakéit)

Minotaur ass eng US-amerikanesch Rakéitefamill, deenen hir verschidde Versioune souwuel als Drorakéite wéi och fir suborbital Starten am Kader vu Rakéitenofwiertester agesat ginn. D'Minotaur gëtt vun der Entreprise Orbital Sciences hiergestallt. Den éischte Start war de 26. Januar 2000. D'Rakéite kënne vun der Cape Canaveral AFS a Florida, der Vandenberg AFB a Kalifornien, vum Kodiak Launch Complex an Alaska a vun der Wallops Flight Facility a Virginia gestart ginn.

Well d'Minotaur-Rakéiten op ofgerëschten Interkontinentalrakéite baséieren, déi am Besëtz vun der US-Regierung sinn, kënne se net kommerziell vermaart ginn a stinn nëmmen der amerikanescher Arméi an der NASA zur Dispositioun.

Versiounen op Basis vun der Minuteman-Rakéit

D'Minotaur I ass eng véierstufeg Rakéit an all Stuf benotzt festen Dreifstoff. Déi éischt an zweet Stuf vun der Minotaur baséieren op den zwou éischte Stufe vun de Minuteman-II-Interkontinentalrakéiten, déi am Kader vum START-I-Ofrëschtungsvertrag aus dem Déngscht geholl goufen an elo als Drorakéite verschoss solle ginn. Déi drëtt a véiert Stuf entspriechen allkéiers der zweeter an drëtter Stuf vun der Pegasus-XL-Rakéit. D'Notzlaaschtverkleedung an d'Fluchsteierung gëtt och vun der Pegasus XL iwwerholl. An hirer Notzlaaschtkapazitéit läit d'Minotaur mat 575 kg an enger 200 km héijer Ëmlafbunn eppes iwwer der Pegasus XL. D'Minotaur I gouf ufanks als OSP-SLV (Orbital-Suborbital Program - Satellite Launch Vehicle) bezeechent.

D'Minotaur II ass eng liicht modifizéiert Minuteman-II-Rakéit, déi fir suborbital Tester vum Rakéitenofwiersystem NMD gebraucht gëtt. Si ass och ënner der Bezeechnung OSP-TLV (Orbital-Suborbital Program - Target Launch Vehicle) bekannt.

Versiounen op Basis vun der Peacekeeper-Rakéit

Eng modifizéiert Peacekeeper-ICBM, déi och fir suborbital Tester vum Rakéitenofwiersystem geplangt ass, wäert den Numm Minotaur III kréien. D'Peacekeeper gëtt am Kader vum START-II-Ofrëschtungsvertrag aus dem Déngscht geholl. Dës Versioun ass nach net agesat ginn.

Ënner dem Numm Minotaur IV ass op Basis vun der Peacekeeper-ICBM eng nach méi staark Drorakéit wéi d'Minotaur I entstanen. Minotaur IV ass och véierstufeg, si benotzt déi éischt dräi Stufe vun der Peacekeeper an als véiert Stuf déi drëtt Stuf vun der Pegasus XL. D'Notzlaaschtverkleedung gëtt vun der Taurus-Rakéit iwwerholl. D'Notzlaaschtkapazitéit vun der Minotaur IV ass 1.750 kg an eng 200 km héich Ëmlafbunn.

Den éischte Start war mat engem suborbitale Fluch den 21. Abrëll 2010 vu Vandenberg aus gemaach ginn, allerdéngs nëmmen an enger dräistufeger Variant mam Numm Minotaur IV-Lite. Den éischte Start an d'Äerdëmlafbunn war de 26. September 2010.

Eng Variant mam Numm Minotaur V mat enger zousätzlecher Uewerstuf fir méi héich Ëmlafbunne gouf de 7. September 2013 mam LADEE-Moundorbiter vun der NASA an en héichellipteschen Äerdorbit gestart, aus deem sech d'Sond mat Hëllef vun hiren eegenen Dreifwierker an ettlechen Äerdëmleef an d'Schwéierfeld vum Mound manövréiert huet.^[1]

Startlëscht

Déi komplett Startlëscht vun der Minotaur-Rakéit. Stand: 20. November 2013

Laf. Nr.	Datum (UTC)	Typ	Startplaz	Notzlaascht	Aart vun der Notzlaascht	Notzlaascht a kg (brutto¹)	Orbit²	Bemierkunge
1	27. Januar 2000	Minotaur I	VAFB SLC-8	JAWSAT, FalconSat 1, ASUSat, OCS, OPAL, Picosat 1 bis 6	11 Amateurfunksatellitten	>220,2 kg	?	Erfolleg
2	28. Mee 2000	Minotaur II	VAFB LF-06	TLV-Demo	Testfluch	?	Suborbital	Erfolleg
3	19. Juli 2000	Minotaur I	VAFB SLC-8	Mightysat-2, MEMS 2A, MEMS 2B	3 Technologietestsatellitte	130,4 kg	?	Erfolleg
4	4. Dezember 2001	Minotaur II	VAFB LF-06	IFT-7 Target	Rakéitenofwiertest	?	Suborbital	Erfolleg
5	13. Mäerz 2002	Minotaur II	VAFB LF-06	IFT-8 Target	Rakéitenofwiertest	?	Suborbital	Erfolleg
6	15. Oktober 2002	Minotaur II	VAFB LF-06	IFT-9 Target	Rakéitenofwiertest	?	Suborbital	Erfolleg
7	11. Dezember 2002	Minotaur II	VAFB LF-06	IFT-10 Target	Rakéitenofwiertest	?	Suborbital	Erfolleg
8	11. Abrëll 2005	Minotaur I	VAFB SLC-8	XSS 11	Technologietestsatellit	100 kg	?	Erfolleg
9	23. September 2005	Minotaur I	VAFB SLC-8	Streak	Technologietestsatellit	417 kg	?	Erfolleg
10	15. Abrëll 2006	Minotaur I	VAFB SLC-8	FORMOSAT-3, LCT2	Konstellatioun aus 6 Äerdobservaiounssatellitten, Rakéitestuf zu der experimenteller Kommunikatioun	>420 kg	?	Erfolleg
11	16. Dezember 2006	Minotaur I	WFF LC-0B	Tacsat 2, GeneSat-1	Technologietestsatellit, CubeSat	374 kg	?	Erfolleg
12	21. Mäerz 2007	Minotaur II	VAFB LF-06	SBX Target	Rakéitenofwierradartest	?	Suborbital	Erfolleg
13	14. Abrëll 2007	Minotaur I	WFF LC-0B	NFIRE	Technologietestsatellit vum Rakéitenofwierprogramm	494 kg	?	Erfolleg
14	23. August 2007	Minotaur II+	VAFB LF-06	NFIRE Target	Rakéitenofwiertest	?	Suborbital	Erfolleg
15	23. September 2008	Minotaur II+	VAFB LF-06	NFIRE Target	Rakéitenofwiertest	?	Suborbital	Erfolleg
16	19. Mee 2009	Minotaur I	WFF LC-0B	Tacsat 3, AeroCube-3, PharmaSat-1, HawkSat-I, Polysat-CP6	Technologietestsatellit, CubeSats	?	LEO	Erfolleg
17	22. Abrëll 2010 23:00	Minotaur IV-Lite	VAFB SLC-8	HTV-2a	Hypersoneschen (Mach 19) Testfluchkierper	?	Suborbital	Erfolleg
18	26. September 2010 04:41	Minotaur IV	VAFB SLC-8	SSBS	Weltraumiwwerwaachung	1031 kg	SSO	Erfolleg
19	20. November 2010 01:25	Minotaur IV HAPS, mat Hydrazin Auxiliary Propulsion System (HAPS) fir e méi héijen Orbit ze erreechen	Kodiak LP-1	STPSat 2, FASTSAT, FASTRAC-1, FASTRAC-2, FalconSat 5, O/OREOS, RAX, NanoSail D2	Technologietestsatellitten	180 kg, 140 kg, 15 kg, 15 kg, ?, 5 kg, 3 kg, 4 kg	LEO	Erfolleg
20	6. Februar 2011 12:26	Minotaur I	VAFB SLC-8	NROL-66	Militäresche Satellit	?	SSO	Erfolleg
21	30. Juni 2011 03:09	Minotaur I	WFF LC-0B	ORS 1	Opklärungssatellit	?	?	Erfolleg
22	11. August 2011	Minotaur IV-Lite	VAFB SLC-8	HTV-2b	Hypersonesche (Mach 19) Testfluchkierper	?	Suborbital	Erfolleg
23	27. September 2011 15:49	Minotaur IV	Kodiak LP-1	TacSat 4	Technologietestsatellit	450	LEO	Erfolleg
24	7. September 2013 03:27	Minotaur V	WFF	LADEE	Moundsond	383 kg	HEO	Erfolleg éischte Minotaur-V-Start
25	20. November 2013 01:15	Minotaur I	WFF LC-0B	ORS-3 Mission: STPSat 3, ORSES, ORS Tech 1, ORS Tech 2, SENSE 1, SENSE 2, Firefly, Ho‘oponopono 2, STARE B (Horus), Prometheus 1 - 8, Black Night 1, CAPE 2, ChargerSat 1, COPPER, DragonSat 1, KySat 2, NPS-SCAT, PhoneSat 2.4, TJ3Sat, SPA-1 Trailblazer, SwampSat, Vermont Lunar Cubesat	Militäresch Satellitten, Cube-Sats	400 kg	LEO	Erfolleg