Gemeng Steesel
| Gemeng Steesel | |
|---|---|
 | |
 d'Märei vu Steesel (2014) | |
| Aussprooch | |
| An anere Sproochen |
fr: Steinsel de: Steinsel |
| Land | Lëtzebuerg |
| Kanton | Kanton Lëtzebuerg |
| Chef-lieu | Steesel |
| Buergermeeschter | Fernand Marchetti (LSAP) |
| Awunner | 5.677 |
| 1. Januar 2024 | |
| Fläch | 2.181 ha |
| Héicht | 243 m |
| Koordinaten |
49° 40’ 35’’ N 06° 07’ 25’’ O |
| LAU-Code | LU0308 |
| Websäit | http://www.steinsel.lu/ |
 | |
 | |
D'Gemeng Steesel ass eng vun den 100 lëtzebuergesche Gemengen. Se läit am Kanton Lëtzebuerg. De Chef-lieu vun der Gemeng ass d'Uertschaft Steesel vun där se och hiren Numm huet.
Uertschaften an der Gemeng
[änneren | Quelltext änneren]- Steesel, (Steinsel)
- Heeschdref, (Heisdorf)
- Mëlleref, (Mullendorf)
Geographie
[änneren | Quelltext änneren]D'Gemeng Steesel läit nërdlech vu Walfer am Uelzechtdall. Et ass déi nërdlechst Gemeng am Kanton Lëtzebuerg. Steesel gëtt duerch d'Uelzecht an zwéin Deeler getrennt: westlech vun der Uelzecht leie Steesel a Mëlleref, ëstlech dovu läit Heeschdref.
Geschicht
[änneren | Quelltext änneren]D'Gemeng Steesel war fréier méi grouss. Duerch e Gesetz vum 25. November 1850[1] ass aus Deeler vun der Gemeng Steesel d'Gemeng Walfer geschaaft ginn. E Gesetz vum 22. Februar 1853[2] huet weider Deeler vu Steesel ofgetrennt fir d'Gemeng Koplescht ze schafen.
Um Steeseler Bierg op Roellent goufen Iwwerreschter vun enger réimescher Siidlung fonnt, déi op eng laang Geschicht hiweisen. Des Weidere goufen 1854 beim Bau vun der Steeseler Kierch Iwwerreschter vun Therme fonnt.
Op der haiteger Fläch vun der Gemeng stoungen zwou Millen, d'Bintzemillen an d'Werdelsmillen, aus deenen no an no déi zwou Uertschafte Mëlleref, respektiv Steesel, entstane sinn.
D'Heeschdrëffer Wuerzele féieren op d'Heeschdrëffer Schlass zeréck, dat an der Vergaangenheet eng Buerg war, an haut vu Schwësteren a vun der Fondatioun Tricentenaire bewunnt gëtt.
Entwécklung vun der Awunnerzuel
[änneren | Quelltext änneren]Quell:STATEC
Wopen
[änneren | Quelltext änneren]
|
Beschreiwung am Originaltext: coupé d'argent à une porte de ville ouverte à trois tours de gueules, l'ouverture de la porte chargée d'une anille de sable, et de gueules à trois lions d'argent posés 2 et 1 |
Politik
[änneren | Quelltext änneren]De Gemengerot vu Steesel gëtt nom Proporzsystem gewielt. E setzt sech aus 11 Conseilleren zesummen.
Als Resultat vun de Gemengewale vun 2011, wéi och vun 2017, stäipt sech de Schäfferot op eng LSAP-CSV-Koalitioun.[3]
Buergermeeschter ass de Fernand Marchetti (LSAP) .
Bei de Gemengewalen 2023 ass et fir d'LSAP bei de 5 Sëtz am Gemengerot bliwwen, iwwerdeems d'CSV ee Sëtz verluer huet. Doropshin koum et zu enger LSAP-DP Koalitioun[4].
Zesummesetzung
D'Majoritéitskoalitioun am Gemengerot ass fett geschriwwen
| Joer | CSV | DP | LSAP | déi gréng |
|---|---|---|---|---|
| 1999 | 2 | 2 | 7 | - |
| 2005 | 2 | 3 | 6 | - |
| 2011 | 2 | 2 | 7 | - |
| 2017 | 2 | 4 | 5 | - |
| 2023 | 1 | 4 | 5 | 1 |
Quell: Inneministère / RTL.lu / elections.lu
Buergermeeschteren
[änneren | Quelltext änneren] Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.
|
- ...
- 1844: Bernard Kintzelé[5]
- ...
- 1885: Pierre Hintgen
- ...
- 19??: Pierre Ecker
- ...
- 1988 - 2021: Jean-Pierre Klein (LSAP)
- zanter 2021: Fernand Marchetti[6][7]
Ekonomie
[änneren | Quelltext änneren]Zu Steesel ass ee Supermarché, de Pall Center an an der lokaler Industriezon sinn iwwer 30 Firmaen. Des Weideren hat d'Creos zu Heeschdref ee vun hire Dispatching-Zentren.
Landwirtschaft
[änneren | Quelltext änneren]D'Landwirtschaft huet zu Steesel nom Zweete Weltkrich e groussen Opschwonk gehat. Steesel ass fir seng Äerdbieren, Uebst a Gromperenzuucht bekannt. Steeseler Grompere gi vu Luxpatates am ganze Land verkaaft.
Um Steeseler Bierg si grouss Bongerten, déi Privatleit a Butteker mat Äppel a Biere beliwweren. Och Landschaftsgäertnereien, wéi d'Bamschoul Becker zu Mëlleref, d'Pépinières Kintzlé zu Heeschdref a Blummegäertner, wéi Fleurs Wüst hunn zu Steesel eng laang Traditioun.
Zu Steesel gëtt et nach e puer Bauerebetriber.
Liewen an der Gemeng
[änneren | Quelltext änneren]Steesel huet laanscht der Uelzecht een Noerhoulungsgebitt geschaf, dat nach soll ausgebaut ginn. Am Zentrum vum Projet ass d'Renaturéierung vun der Uelzecht.
Des Weidere solle Spillplazen opgeriicht ginn, an e Vëloswee ugeluecht ginn[Wéini ?], dee Walfer mat Heeschdref verbënnt. D'Gemeng Steesel huet mat de Gemenge Walfer a Luerenzweiler eng interkommunal Schwämm, d'Pidal geschaf.
D'Musek L'Echo de l'Alzette de la Commune de Steinsel ass 2002 aus dem Zesummeschloss vun der Steeseler an der Heeschdrëffer Musek entstanen. Och de Sport gëtt an der Gemeng grouss geschriwwen, an do si virun allem en ettlech Basketstitele vun der BBC Amicale Steesel ervirzehiewen.
Verkéier
[änneren | Quelltext änneren]D'Lëtzebuerger Strooss, d'N7, Haaptverkéiersachs tëscht der Stad Lëtzebuerg a Miersch, féiert duerch Heeschdref. D'Gemeng Steesel huet och eng Gare, d'Heeschdrëffer Gare. Se läit op der Streck Lëtzebuerg-Ettelbréck. E puer RGTR- an AVL-Buslinne verbannen d'Gemeng Steesel mat der Stad Lëtzebuerg.
Interkommunal Syndikater
[änneren | Quelltext änneren]D'Gemeng Steesel ass Member vu follgenden interkommunale Syndikater:
Jumelage
[änneren | Quelltext änneren]
Bekannt Persounen
[änneren | Quelltext änneren]- Pierre Dupong (1885-1953), Staatsminister, gebuer an der Sektioun Heeschdref,
- Joseph Hansen (1874-1952), Schrëftsteller,
- Jempi Klein (*1944), Affekot a Politiker,
- Willy Goergen (1867-1942), Schrëftsteller.
Kuckeswäertes
[änneren | Quelltext änneren]- Schlass zu Heeschdref
- Park vum Schlass zu Heeschdref
- Reschter vu Gallo-réimeschen Tempelen
- D'Gebuertshaus vum Willy Goergen
- D'Gebuertshaus vum Sepp Hansen
Literatur
[änneren | Quelltext änneren]- Michel Schmitt: Die Pfarrkirche von Steinsel in ihrem zeitgenössischen Entstehungskontext Steinsel: Administration communale, 2005. - 24 p.: ill. ; 21 cm
- La commune de Steinsel en images: son développement récent, Steinsel: Commune, 2005 - 36 p.: ill. ; 21 x 30 cm
Kuckt och
[änneren | Quelltext änneren]- Kierch Steesel
- Lëscht vun den nationale Monumenter an der Gemeng Steesel
- Lëscht vun de Lëtzebuerger Gemengen
- Entwécklung vun der Gemengenzuel zu Lëtzebuerg
Um Spaweck
[änneren | Quelltext änneren]| Commons: Steesel – Biller, Videoen oder Audiodateien |
Referenzen
[Quelltext änneren]- ↑ Loi du 25 novembre 1850 qui érige une nouvelle commune sous le nom de Walferdange. legilux.public.lu (11.12.1850). Gekuckt de(n) 19.07.2020.
- ↑ Loi du 22 février 1853 qui érige une nouvelle commune sous le nom de Kopstal. legilux.public.lu (23.03.1853). Gekuckt de(n) 19.07.2020.
- ↑ "Koalitioun LSAP/CSV steet, Klein bleift Buergermeeschter." rtl.lu, 11.10.2017, 12:04:19.
- ↑ (de)In diesen Gemeinden stehen die Schöffenräte bereits fest. luxemburger-wort-online. wort.lu (20.06.2023). Gekuckt de(n) 06.07.2023.
- ↑ ARRÊTÉ ROYAL GRAND-DUCAL, du 29 décembre 1843, n°2926f, portant nomination des Bourgmestres et Echevins des villes, et des Bourgmestres des campagnes du Grand-Duché am Memorial N°3 vun 1844
- ↑ Assermentation du nouveau bourgmestre et d'un nouvel échevin de la commune de Steinsel. mint.gouvernement.lu (03.01.2022). Gekuckt de(n) 01.03.2022.
- ↑ (fr)Assermentation des collèges des bourgmestre et échevins. mint.gouvernement.lu (06.07.2023). Gekuckt de(n) 06.07.2023.