Alan Parker

Alan Parker
Gebuertsnumm	Alan William Parker
Gebuer	14. Februar 1944
Gestuerwen	31. Juli 2020 London
Nationalitéit	Vereenegt Kinnekräich
Aktivitéit	Dréibuchauteur, Filmproduzent, Filmregisseur, Filmschauspiller, Filmediteur, Regisseur

De Sir Alan William Parker, gebuer de 14. Februar 1944 zu Islington, London, a gestuerwen den 31. Juli 2020 zu London, war en engleschen Dréibuchauteur, Auteur a Filmregisseur.

Liewen

De Parker huet als Realisateur fir Reklammsfilmer ugefaangen. Hie gouf e puermol fir den Oscar nominéiert (ë. a. fir Midnight Express), huet véiermol de British Academy Film Award gewonnen (ë. a. fir Bugsy Malone) an 1985 zu Cannes de Grousse Präis vum Jury fir Birdy kritt.

Bekannt Filmer vun him sinn: Pink Floyd The Wall (1981), d'Verfilmung vu Pink Floyd hirem Rockalbum mam nämmlechten Numm; Angel Heart (1987) mam Mickey Rourke, Robert De Niro a Lisa Bonet; Mississippi Burning (1988), mam Gene Hackman a Willem Dafoe; The Commitments (1991), oder d'Verfilmung vum Andrew Lloyd Webber sengem Musical Evita mat der Madonna an der Titelroll (1996).

Filmographie

Kino

• 1974: Our Cissy - (Kuerzfilm)
• 1974: Footsteps - (Kuerzfilm)
• 1976: Bugsy Malone - Haaptacteuren: Jodie Foster, Scott Baio
• 1978: Midnight Express - Haaptacteuren: Brad Davis, Irene Miracle, Bo Hopkins
• 1980: Fame - Haaptacteuren: Irene Cara, Eddie Barth
• 1982: Shoot the Moon - Haaptacteuren: Albert Finney, Diane Keaton, Karen Allen
• 1982: Pink Floyd: The Wall - Haaptacteuren: Bob Geldof, Bob Hoskins
• 1984: Birdy - Haaptacteuren: Matthew Modine, Nicolas Cage
• 1987: Angel Heart - Haaptacteuren: Mickey Rourke, Robert De Niro, Charlotte Rampling
• 1988: Mississippi Burning - Haaptacteuren: Gene Hackman, Willem Dafoe, Frances McDormand
• 1990: Come See the Paradise - Haaptacteuren: Dennis Quaid, Tamlyn Tomita
• 1991: The Commitments - Haaptacteuren: Robert Arkins, Michael Aherne
• 1994: The Road to Wellville - Haaptacteuren: Anthony Hopkins, Bridget Fonda, Matthew Broderick
• 1996: Evita - Haaptacteuren: Madonna, Antonio Banderas, Jonathan Pryce
• 1999: Angela's Ashes - Haaptacteuren: Emily Watson, Robert Carlyle
• 2003: The Life of David Gale - Haaptacteuren: Kate Winslet, Kevin Spacey