Tumulus (urbs)

Vide etiam paginam discretivam: Tumulus (discretiva).

Domus Charlamov Tumuli (via Sovetskaia, 132).

Tumulus^[1] (Russ. Курган, Kurgan 'tumulus') est urbs in meridie districtus foederalis Uralensis Russiae sita. Caput regionis Kurganensis est. Incolas 315 311 habet anno 2019. In ripis fluminis Tobolis patet.

Historia

Timotheus Nevezhin agricola in ripa Tobolis prope tumulum quendam antiquum c. annum 1670 primus casam e stipitibus factam (izba) sibi aedificavisse putatur. De hoc tumulo nomen oppidi primum captum est, Tsarevo Gorodischtsche (scilicet 'Valla Tzaris' vel 'Agger Tzaris'). Tumulus iste saeculo tertio aut quarto constructus ab expeditione archaeologica Constantini Sal'nikov initio saeculi vicesimi exploratus est; hodie vestigia eius vix videntur. Anno 1695, oppidum in milliariis Russicis^[2] octo inferius secundum cursum Tobolis translatum est, ubi et nunc Tumulus urbs sita est. Initio saeculi duodevicesimi arx militaris facta est. Anno 1789 in numerum urbium inclusa est. Tempore Belli civilis magni tumultus in Tumulo urbe fuerunt: nam imperio Sovietorum iam anno 1917 declarato Bohemi albi^[3] anno 1918, rubros exturbaverant et ipsi anno 1919 ab Exercitu Rubro expulsi sunt. Caput regionis Tumulus urbs die 6 Februarii anno 1943 facta est.

Notae

↑ Alexii Scatebrani Initia eloquentiae Latinae (Солопов А.И. Начала латинской стилистики. М., 2008), p. 500.
↑ S. Ivaškovskij, Lexicon Rossico-Latinum, s.v. верста. Vel versta.
↑ Russice белочехи.

Nexus externi

Situs geographici et historici: Locus: 55°26′27″N 65°20′28″E • OpenStreetMap • GeoNames • Store norske Lexikon • Большая российская энциклопедия

[1] Alexii Scatebrani Initia eloquentiae Latinae (Солопов А.И. Начала латинской стилистики. М., 2008), p. 500.

[2] S. Ivaškovskij, Lexicon Rossico-Latinum, s.v. верста. Vel versta.

[3] Russice белочехи.

[1]

[2]

[3]