សម្រេច
សំ-រ៉ាច់ ( កិ. ) ធ្វើឲ្យស្រេច, ឲ្យហើយស្រេច, ឲ្យដាច់ស្រេច : សម្រេចការ, សម្រេចសេចក្ដី ។ ធ្វើឲ្យកើតការ, ឲ្យបានការ, ឲ្យសមប្រកប; បានសមតាមបំណង : សម្រេចប្រយោជន៍ ។ បានលុះ, បានដល់ : សម្រេចគុណវិសេស, សម្រេចមគ្គផល ។ សម្រេចសម្រាន្ត នៅជាសុខសាន្ត : សម្រេចសម្រាន្តឥរិយាបថ... ។ សម្រេចសម្រួល ធ្វើឲ្យស្រេចដោយស្រួល, សម្រួលឲ្យបានស្រេច ។ សម្រេចឥរិយាបថ ញ៉ាំងឥរិយាបថ ៤ (ដើរ, ឈរ, អង្គុយ, ដេក) ឲ្យប្រព្រឹត្តទៅ, នៅអាស្រ័យ, គង់នៅ ។ល។