Dialektika

Dialektika - bul barlıq jasaytuǵınlardıń bolmısı menen rawajlanıwınıń universallıq baylanısları haqqındaǵı filosofiyalıq táliymat. Sonıń ushın filosofiyalıq bilim tarawında eń dáslep rawajlanıwdıń ózine tán protsessi qaraladı. Qısqasha aytqanda, dialektika - bul rawajlanıwdıń filosofiyalıq teoriyası.

Dialektika dúnyanıń kórinisin ashıp beredi, dúnyadaǵı baylanıslardı tábiyat, jámiyet hám oylawdıń háreketi menen rawajlanıwdıń ǵalabalıq nızamların qaraydı. Dialektika óziniń dúzilisine qaray obektivlik hám subektivlik dialektika bolıp bólinedi.

Obektivlik dialektika - sırtqı dúnyada jasaytuǵın óz ara baylanısta turatuǵın is-háreket penen rawajlanıw protsessin ańlatadı.

Subektivlik dialektika - usı protsesslerdiń adamlar arasında sáwleleniwi hám adam oyları menen túsinikleriniń ilgerilewi.