Michel Aoun

Bul atamanıń basqa mánisleri de bar. Qarań: Aoun.

Mishel Naim Avn (arabsha ميشال نعيم عون Livan arabsha: [miˈʃɛl naˈʕiːm ʕaʊ̯n]; 1933-jıl 18-fevralda tuwılǵan^[2]^[3], Horat Hurayk, Bayrut, Livan) — Livan áskeriy hám siyasiy basshısı, Livan Qurallı kúshleri generalı. 1988-jıl 22-sentyabrden 1990-jıl 13-oktyabrge shekem Livan Prezidenti hám Bas ministri, 2016-jıl 31-oktyabrge shekem Livan Prezidenti bolǵan^[4].

Ómiri

Balalıǵı

Isenimi moruniy bolǵan, jarlı shańaraqta tuwılǵan. Orta maǵlıwmattı ol katolik mekteplerinde alǵan hám sonıń menen birge kóplegen musılman balalar menen dos bolǵan.

Tálimi

1958-jılda áskeriy mektepti, 1959-jılda Franciyanıń Chalon-sur-Marne qalasındaǵı áskeriy mektepti tamamlaǵan. 1966-jılda Fort-Seal qalasındaǵı artilleriya mektebinde (AQSh, Oklaxoma) hám 1978-1980-jıllarda Franciyadaǵı Joqarı áskeriy mektepte oqıǵan. Óz ana tilinen tısqarı, inglis, francuz, ispan hám italyan tillerinde de sóylese aladı.

Oficerligi

Ol Bayrut hám Franciyadaǵı artilleriya mekteplerin, keyininen AQShta áskeriy kurslardı tamamlaǵan. Livan armiyasında artilleriya oficeri sıpatında xizmet etti. 1961-jılda onıń eki kásiplesi - Siriyaparas partiyanıń aǵzaların áskeriy razvedka tárepinen kóterilis shólkemlestirgenligi ushın qamaqqa alınǵannan keyin, ol sorawlardı júzeki túrde toqtatıwdı talap etti. Biraq, ol bólindin tark etkeninde, qıynaq dawam etti. Qaytıp kelgennen keyin, Aoun kontrrazvedkashı xizmetkerleriniń minez-xulqların "qabıl etip bolmaytuǵın nacizm" dep atadı. 70-jıllardıń ortalarında Livanda baslanǵan puqaralar urısı dáwirinde oraylıq húkimetti turaqlı túrde qollap-quwatladı. 1976-jıldıń jazında ol Tall Za'tardi qamal qılıwda qatnasdı. 1980-jıllardıń baslarında Arqa hám Batıs Bayruttı, xristianlar hám musılmanlardı ajıratıp turıwshı "Jasıl sızıq"ta jaylasqan "qáwipsizlik brigadası"n basqardı. Siriya áskeriy kúshleri menen qurallı soqlıǵısıwlarda qatnasqan. 1982-jılda Izrail Livanǵa bastırıp kirgende, ol prezident sarayın qorǵawdı hám tek prezident Ilyos Sarkistiń buyrıǵı onı sheginiwge májbúr etti. 1984-jıldan - qurallı kúshler komandiri, Livan tariyxındaǵı eń jas oficer boldı. Ol óz kúshin armiyanıń kúshi hám birligin saqlawǵa qarattı. Ol principial túrde 1984-1988-jıllarda ǵalaba-xabar qurallarına (qurallı kúshler jurnalınan tısqarı) intervyu bermedi.

Livan Prezidenti

2016-jıl 31-oktyabrde, saylawlar baslanǵanınan 2,5 jıl ótkennen, 46-urınıwdan keyin Michel Aoun Livan Prezidenti lawazımına saylandı. Ol sol kúni Baabda sarayında ant etti hám Livannıń Franciyadan ǵárezsizlikke eriskeninen keyingi tariyxındaǵı 13-Prezidenti boldı. Livanda 2019-jıl oktyabr ayında ǵalabalıq narazılıq kórinisleri baslandı hám 29-oktyabr kúni Bas ministr Sa'd Xariri napaqaǵa shıǵıwın járiyaladı. Uzaq múddetli siyasıy máslahátlesiwlerden keyin, 2019-jıl 19-dekabrde Prezident Aoun Livannıń jańa húkimetin dúziwdi burınǵı Bilimlendiriw Ministiri, Bayruttaǵı Amerika universiteti professorı Hasson Diyobqa tapsırdı.

Shańaraǵı

Ómirlik joldası — Nodiya ash-Shomiy

Qızları:

Klodin
Shantal belgili Livanlı siyasatshı Gebran Bassilge turmısqa shıqqan.
Mireyl

Aounnıń úsh aqlıǵı bar.

Derekler

↑ (unspecified title)
↑ „The President of the Republic of Lebanon General Michel AOUN“. Qaraldı: 6-noyabr 2020-jıl.
↑ „Who is Lebanon's Gebran Bassil?“. Qaraldı: 6-noyabr 2020-jıl.
↑ „Lebanon president leaves with no replacement, crisis deepens“ (en). AP NEWS (30-oktyabr 2022-jıl).

[[https://www.presidency.gov.lb/English/President/Pages/GeneralMichelAoun.aspx_&#039;&#039;(unspecified_title)&#039;&#039;]-1] (unspecified title)

[2] „The President of the Republic of Lebanon General Michel AOUN“. Qaraldı: 6-noyabr 2020-jıl.

[3] „Who is Lebanon's Gebran Bassil?“. Qaraldı: 6-noyabr 2020-jıl.

[AP_2022-10-4] „Lebanon president leaves with no replacement, crisis deepens“ (en). AP NEWS (30-oktyabr 2022-jıl).

[1]

[2]

[3]

[4]