Menyang kontèn

The Prestige

Saka Wikipédia Jawa, bauwarna mardika basa Jawa
The Prestige
US Promotional poster for The Prestige.
DisutradaraniChristopher Nolan
DiprodhuseriChristopher Nolan
Emma Thomas
Ditulis déningNovèl:
Christopher Priest
Skenario:
Jonathan Nolan
Christopher Nolan
DibintangiHugh Jackman
Christian Bale
Michael Caine
Scarlett Johansson
David Bowie
Piper Perabo
DimusikiDavid Julyan
SinématografiWally Pfister
Dibesut déningLee Smith
Dibabar déningTouchstone Pictures (NA)
Warner Bros. (worldwide)
Tanggal metu
20 Oktober 2006 (AS)
10 November 2006 (Karajan Manunggal)
Suwéné
130 min.
NagaraAmérikah Sarékat
BasaInggris
RantamanUS$40 million
KalarisanUS$109 million

The Prestige ya iku filem Amérikah Sarékat kang digawé taun 2006. Film iki disutradarani Christopher Nolan, dijupuk saka novèl The Prestige karyané Christopher Priest. Sing maragani filem iki antarané Hugh Jackman, Christian Bale, Michael Caine, Scarlett Johansson. The Prestige dibabar ing tanggal 20 Oktober 2006.[1][2][3][4][5][6][7][8]

Ringkesan

[besut | besut sumber]

Filem iki nyritakaké wong loro, kanca raket jenengé Robert Angier lan Alfred Borden, sing padha-padha nlatèni ing pagelaran sulap. Angier iku juru sulap saka kalangan ningrat, éwadéné Alfred Borden mung pesulap ngisoran. Wiwitané, Angier lan Borden mbiyantu proyek-proyeké Cutter. Cutter seneng duwé anak buah kang pinter kaya wong loro mau. Angier lan Borden uga dikongkon sinau menyan mancanegara sing adoh. Saéngga sawijining dina bojoné Angier mati jalaran saka kaluputané Borden naleni tangané nalika pagelaran sulap. Matiné bojoné kuwi, ndadèkaké Angier nesu lan ngalap pulih, sarta tansah ngincim marang Alfred Borden supaya ngakoni kaluputané. Saingan antarané wong loro iku kedlarung-dlarung, Angier mbales nyilakani Borden nganti tugel driji kiwané nalika pagelan nangkep peluru saka pistol.

Ora namung meneng waé, Borden uga gawé pétungan tumrap Angier. Ing salah sijiné pagelaran ngilangaké manuk saka kurungané, Borden nyamar dadi pamirsa lan maju ing ndhuwur panggung. Ing kono Borden gawé gara-gara kang pungkasané agawe tugel tangané salah sijiné pamirsa kang uga mèlu maju bareng dhèwèkeé jalaran kejepit kurungan kang lancip. Angier tambah nesu marang Borden, apa manèh dhèwèké weruh Borden nduwé pagelaran apik banget kanti sesirah "The Transported Man" (wong bisa orang maleh nggon kanti wektu sakleraban) sing dimainké kanti sampurna déning Borden, saéngga Angier bener-bener péngin mangerteni wadiné.

Sajatiné Cutter wis nerangaké yèn Borden nganggo wong kembar, nanging Angier ora percaya katrangan kuwi. Dhèwèké ngèyèl yèn babak "the prestige" kuwi sing metu Borden dhéwé. Pratandhané, driji kiwane Borden kang tugel.

Pungkasané disarujuki supaya Angier digolekaké wong sing rainé meh padha, kareben bisa madhani pagelarané Borden ana ing pagelaran "The Transported Man". Nanging, manèh-manèh, Angier tetep ora bombong, amarga wong sing metu pungkasan lan mènèhi pangormatan marang pamirsa dudu dhèwèké, nanging kembarané. Lan cilakané, "kembarané" mau seneng mendem. Kaanan kuwi dimanfaatké déning Borden kanggo ngreka daya. Ana ing salah sijiné pagelaran sabanjuré, Borden nggawé gara-gara manèh, ya iku nggèsèr matras kang adaté kanggo lambaran Angier nalika ngilangaké awaké dhèwé, saéngga sikilé tugel. Sawisé kuwi, Borden metu panggung minangka "the prestige", lan nggantung kembarané Angier sadhuwuré panggung.

Sawijining dina, Angier lunga ing Colorado Spring kanggo nemoni Nikola Tesla, salah sijiné insinyur lan panemu babagan listrik. Ing kana, dhèwèké njaluk digawékaké mesin kang bisa diénggo ana ing pagelaran sulap "The Transported Man" nanging, ing pungkasan dhèwèké sing metu. Tesla kasil nggawé rancangan mesin kuwi, lan bisa ndobel pribadhiné Angier, nanging ana syaraté, aja nganti ngregeti tangané. Mula saka kuwi, nalika mesin dilakokaké, kudu ana salah siji sing dipatèni, lan sijiné tumindak minangka "the prestige".

Ndeleng kasampurnan pagelaran Angier kuwi, Alfred Borden ngongkon sadulur kembaré, Bernard Fallon (driji kiwane uga dikethok kanggo madhani Borden), kanggo nggolèk sisik melik wadiné. Nanging awit saka kuwi kacilakan nadhang marang Fallon. Fallon kang meneng-meneng lumebu ing ngisor panggung, weruh Angier lumebu peti banyu sing kekancing. Fallon ngira kuwi ora disengaja lan ngupayakke nulungi, kangmangka wis diatur déning Angier supaya ing pagelaran kuwi dhèwèké ora ngetokke babak "the prestige". Pungkasané, kadadéan kuwi kang nyèrèt Fallon ing pangadilan nanging kabèh wong ngertiné Fallon ya Borden. Ewadéné Borden saben dinané macak minangka Fallon.

Sawisé ethok-ethok mati, Angier ngganti jenengé dadi Lord Caldlow lan péngin tuku tilas mesin sing naté dienggo, lan kasimpen ing pangadilan. Cutter ngeterké mesin mau ing omahé Caldlow, nanging mendah kageté, jebul Lord Caldlow ora liya Robert Angier kang isih urip.

Nalika nata mesin ing gudhangé kuwi ujug-ujug Alfred Borden teka lan nembak Angier nganggo pistolé, lan kena dadané Angier. Ing pawicaran pungkasan, Angier tembé mangerteni jebulé wadiné Borden gampang banget, mung nganggo paraga liya, ya iku kembarané. Nanging Borden énggal-énggal nampik yèn wadiné pagelaran kuwi larang regané, mbutuhké pangorbanan ngethok driji lan patiné Fallon, sadulur kembaré, supaya pagelarané sampurna. Film iki dipungkasi kanti matiné Robert Angier.

Ingkang maragani

[besut | besut sumber]

Rujukan

[besut | besut sumber]
  1. ↑ Iffergrin, Don (October 2006). "Christopher Priest – Future events". Diarsip saka sing asli ing 22 July 2018. Dibukak ing 1 March 2007. – Christopher Priest states he created the terms in 1995.
  2. ↑ Langford, David (1996). "Christopher Priest, The Prestige". Ansible. Dibukak ing 12 July 2013.
  3. ↑ "The Prestige". Publishers Weekly. 243 (30): 226. 22 July 1996.
  4. ↑ Hand, Elizabeth (August 1997). "The Prestige". The Magazine of Fantasy & Science Fiction. 93 (2): 24+.
  5. ↑ Kirkman, Adam (30 March 2007). "Reading for Pleasure: the White Horse Publications Publisher on the Subtleties of Christopher Priest". The Bookseller. London (5274): 28.
  6. ↑ Clark, Alex (18 November 2006). "Now You See It". The Guardian. London: Guardian News and Media. Dibukak ing 11 July 2013.
  7. ↑ Levitov, Francine (May 2007). "Priest, Christopher. The Prestige". Kliatt. 41 (3): 55.
  8. ↑ "1996 Award Winners & Nominees". Worlds Without End. Dibukak ing 28 September 2009.

Pranala njaba

[besut | besut sumber]


Dijupuk saka "https://jv.wikipedia.org/w/index.php?title=The_Prestige&oldid=1651118"