Pacinan Yokohama

Zenrin-mon (Shanlinmen), gerbang ing Pecinan Yokohama. *Zenrin* ateges kekancan antarkulawarga utawi nagara tangga.

Pacinan Yokohama (横浜中華街, Yokohama Chūkagai^?) utawi traditional Chinese: 横濱中華街Cantonese Jyutping: waang4 ban1 zung1 waa4 gaai1 inggih punika pacinan ingkang wonten ing Yokohama, Jepang. Sadèrèngipun papan punika naté dipunsebat minangka Tōjin-chō lan Nankinmachi. Papan punika kathah dinggèni déning tiyang Cina ingkang merantau saking Guangdong. Kathahipun margi-margi ing Pecinan Yokohama dipunparingi nama miturut laladan asal warganipun, tuladhanipun Mergi Shanghai, Mergi Zhongshan, lan Mergi Fujian. Ing dhistrik Naka-ku papan pecinan punika, penduduk warga nagara Républik Rakyat Cina kirang langkung 4.000 tiyang utawi kirang langkung 30,3% saking sadaya penduduk asing ing dhistrik Naka-ku.^[1]

Ing wewengkon kanthi wiyar 2.000 m² (0,2 hektar) punika dinggèni langkung saking 500 yasan toko klonthong lan griya dhahar.^[2] Pecinan ing Yokohama kalebet pecinan paling ageng ing Jepang sarta ing Asia Wétan ^[3]. Kalih pecinan sanèsipun ing Jepang punika Pecinan Kobe lan Pecinan Nagasaki boten sewiyar Pecinan Yokohama.

Sajarah

Nalika taun 1859 sasampunipun Pelabuhan Yokohama kabikak kanggé perdagangan mawi kapan asing, pemukiman kanggé tiyang asing dipunmadegaken ing Yokohama. Sareng kaliyan duginipun tiyang Éropah lan tiyang Amérika, ugi dugi tiyang saking bangsa sanès ingkang makarya déning para diplomat asing. Kajawi punika ugi para penyadé lan penyadé lantaran saking Cina. Para penyadé punika kathahipun saking Hong Kong lan Guangdong, lan kathahipun lairan Guangdong.^[4]

Bibar Yokohama dipunlayani déning kapal ruté reguler kanthi Shanghai lan Hong Kong, penyadé ekspor-impor saking Cina sami dugi kanggé manggon. Ing salah satunggaling pemukiman kanggé tiyang ing Yokohama lajeng dipundamel klenteng Guan Di, gedung kongsi Cina, lan sekolah Cina, saéngga salajengipun mekar dados pecinan. Awit saking punika, kathah yasan ing papan mau dados papan dagang kanthi dipunbikak manéka toko. Pedagang kaki lima ingkang nyade mi tarik (la mian, dipunsebat lau min ing Jepang) kapisan medal ing taun 1872.^[4]

Nalika wonten Perang Sino-Jepang I ing taun 1894, para imigran saking Cina kathah ingkang kondur ing laladan asalipun. Bibar perang mau sampun rampung lajeng ing taun 1899 wonten revisi saking Perjanjian Boten Adil ketetapan babagan tiyang asing kedah dipunbusak. Ing saking Cina pikantuk watesan jinis pakaryan ingkang kénging dipunlampahi, nanging tiyang Cina kénging manggon ing njawinipun pemukiman tiyang asing. Nalika nembé pados suaka ing Jepang amargi dipungusah déning Yuan Shikai, Sun Yat-sen nglajengaken perjuangan revolusi sinambi dipunbiyantu déning para Cina mau.

Cathetan suku

↑ "第19 章外国人人口" (PDF). Pamaréntah Kota Yokohama. 2005.
↑ "Yokohama Sightseeing Spots". Yokohama Visitors' Guide. Diarsip saka sing asli ing 2006-07-10. Dibukak ing 2013-02-24.
↑ Pecinan Masyarakat Tionghoa Archived 2013-06-14 at the Wayback Machine.. (dipunakses tanggal 24 Fèbruari 2013)
↑ ^a ^b Sakamoto, Kazutoshi (2008). 誰も知らない中国拉麺之路 (ラーメンロード): 日本ラーメンの源流を探る. Shogakukan. kc. 57–59. ISBN 9784098250097.

Pranala njawi

(ing basa Jepang) Situs resmi Pecinan Yokohama
Tanaka, Takeyuki (2009). 横浜中華街: 世界最強のチャイナタウン. Tokyo: Chuokoron-Shinsha. ISBN 9784121503237.

[1] "第19 章外国人人口" (PDF). Pamaréntah Kota Yokohama. 2005.

[2] "Yokohama Sightseeing Spots". Yokohama Visitors' Guide. Diarsip saka sing asli ing 2006-07-10. Dibukak ing 2013-02-24.

[cina-3] Pecinan Masyarakat Tionghoa Archived 2013-06-14 at the Wayback Machine.. (dipunakses tanggal 24 Fèbruari 2013)

[ramen-4] Sakamoto, Kazutoshi (2008). 誰も知らない中国拉麺之路 (ラーメンロード): 日本ラーメンの源流を探る. Shogakukan. kc. 57–59. ISBN 9784098250097.

[1]

[2]

[3]

[4]