Jean-Joseph Étienne Lenoir
| Jean-Joseph Étienne Lenoir | |
|---|---|
| Lair | 12 Januari 1822 Mussy-la-Ville, Bèlgi |
| Pati | 4 Agustus 1900 La-Varenne-Saint-Hillaire, Prancis |
| Padunungan | Paris |
| Kabangsan | Prancis-Bèlgi |
| Babagan | insinyur |
| Misuwur amarga | siklus Lenoir, mesin pembakaran dalam |
Jean-Joseph Étienne Lenoir (miyos tanggal 12 Januari 1822, tilar donya tanggal 4 Agustus 1900) inggih punika satunggaling insinyur Prancis-Bèlgi.
Piyambakipun miyos wonten ing Mussy-la-Ville, Bèlgi, wonten ing wiwitan taun 1850-an piyambakipun nindakaken migrasi dhateng Prancis, lan dumunung wonten ing wewengkon Paris, lajeng wonten ing mrika piyambakipun ngrembakakaken minat wonten ing lèmpèng listrik. Minatipun wonten ing babagan punika njalari piyambakipun damel panemuan listrik kalebet télégraf listrik ingkang dipundandani.
Mesin Lenoir
[besut | besut sumber]
Saking taun 1859, percobaan listrik Lenoir damel piyambakipun manggihaken mesin pembakaran dalam ingkang kapisanan, mesin dua tak kanthi silinder tunggal ingkang mbakar campuran gas batu bara lan udara ingkang dipunnyalakaken déning sistem pembakaran "percikan loncat", lan dipunpatènaken wonten ing taun 1860. Mesin punika béda kaliyan mesin 2 tak ingkang modérn ingkang boten dipunmampetaken sadèrèngipun pembakaran. Sawijining parusahan, Gauthier,[1] dipunbentuk kanggé ngrembakakaken mesin punika, lan kréta jaran roda 3 dipundamel migunkakaken punika. Éwadéné lumampah kanthi saé, pangisèn bahan bakar mesin punika boten èfisièn, radi brisik, panasipun langkung kathah, lan manawi dipunparingi toya adhem ingkang cekap saged risak. Nanging, Scientific American martakaken wonten ing wulan September 1860 bilih ariwarta Paris Cosmos sampun mbiwarakaken bilih abad uwab sampun kalampahan,[2] lan saking taun 1865, 143 mesin sampun dipunyasa déning Gauthier, sesarengan kaliyan sapérangan Reading Gas Works kanggé mesin gas Lenoir wonten ing wewengkon London.[3]
Wonten ing taun 1863 Lenoir nedahaken kréta turangga kanthi 3 roda ingkang kaping kalih, dipunébahaken déning "hidrokarbon cair" (petroleum) 1,5 daya kudha kanthi karburator primitif ingkang saged nempuh jarak 18 kilomèter saking Paris dhateng Joinville-le-Pont tindak-wangsul wonten ing wekdal 11 jam. Prastawa punika kasil narik kawigatosan tsar Aleksandr II, lan sapérangan buah dipunkintun dhateng Kamaharajan Ruslan.[4]
Sapérangan ageng panerapan mesin Lenoir namung dipun-ginakaken kanggé barang mandheg kaos déné mesin cétak, pompa air, lan piranti mesin. Insinyur sanès, mliginipun Nikolaus Otto, wiwit damel kemajengan wonten ing bab tèknologi pembakaran dalam ingkang langsung damel rancangan Lenoir boten dipun-ginakaken. Kirang saking 500 mesin Lenoir antawising 6-20 daya jaran dipundamel.
Lenoir tilar donya wonten ing kaanan miskin lan piyambakan wonten ing taun 1900.
Cathetan suku
[besut | besut sumber]Pranala njaba
[besut | besut sumber]
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |