Kaca:Mardi Jawi 2.pdf/49

2. Ukara camboran wudhar

Yaiku ukara kang kadadean saka pola-pola ukara kang sejajar. Marga siji-sijining pola ukarane ora dadi katranganing pola ukara liyane (kedadean saka 2 pola ukara utawa luwih)

Tuladha :

1. Aku maca buku, adhiku mangan kacang, bapak ngendikan karo ibu.
2. Aku maca buku LAN adhiku mangan kacang.
3. Aku maca buku, adhiku mangan kacang, LAN bapak ngendikan karo ibu.
4. Aku maca buku LAN adhiku mangen kacang, DENE bapak ngendikan karo ibu.

Katrangan :

(1). Ukara camboran a, b, c, d ing dhuwur iku kadadean saka 3 ukara lamba kasebut ing dhuwur.

(2). Carane ndhapuk dadi ukara camboran wudhar (Kalimat majemuk setara) ing tuladha iku mangkene :

(a). Kadhapuk sarana kaucapake kanthi lagu kang ing panulisan diwenehi tandha koma. Dadi tanpa tembung pangiket.
(b). Kadhapuk sarana lagu lan tembung pangiket LAN.
(c). Kadhapuk sarana lagu lan tembung pangiket LAN.
(d). Kadhapuk sarana lagu lan tembung pangiket LAN, DENE.

B. Ukara-ukara lamba iki dhapuken supaya dadi ukara camboran wudhar sarana lagu bae!

1. a. Aku mangan nangka.
   b. Adhiku ngombe wedang.
2. a.Bapak tindak menyang kantor.
   b. Ibu resik-resik ana ndalem.
   c. Aku karo adhiku menyang sekolah.
3. a. Adhiku sregep sinau.
   b. Kakangku kesed banget.

47