Emersanta teknologii

En la historio di teknologio, emersanta teknologii esas nuntempal avanci e novigo en diversa faki di la teknologio. Diversa konverganta teknologii aparis, e la developo di multa sistemi teknologiala konvergis vers simila skopi. La konvergo povas referar a antee separita teknologii, exemple voco-transmiso (e telefoniala traiti), datumo-transmiso (e produktiveso aplikaji) e video-transmiso, qui nun partoprenas moyeni ed interagas l'unu l'altru, kreanta nova efekti.

Emersanta teknologii esas teknikala noviguri qui reprezentas progresiva developado interfaka por konkurencal avantajo; konverganta teknologii reprezentas antee distinta feldi qui komencis konvergar vers ula sama skopi ed interagar. Tamen, l'opiniono di la grado di efekto, statuto ed ekonomikala viviveso di multa emersanta e konverganta teknologii varias.

Historio

Dum yarcenti, noviganto metodi e nova teknologii developesis e aparis. Kelk ek ca teknologii dubesas teoriala serchado, altra komercala serchado e developo.

Teknologiala developo inkluzas disruptiva teknologii. Exemplo pri l'antea esis l'uzo di DVD por remplasar l'antea optikala teknologio CD. Kontree, disruptiva teknologii esas lo kande nova metodo remplasas l'antea teknologio e facas lo abundanta, exemple la remplaso di kaleshi per automobili.

Emersanta teknologio ordinare indikas signifikanta teknologiala developi qui enduktas nova teritorio en kelka signifikiva voyo en ta feldo. exempli pri kuracanta emersanta teknologii inkluzas informo teknologio, nanoteknologio, bioteknologio, mentala cienco, robotiko ed artifical inteligenteso.

Debato pri emersanta teknologii

Multa skribisti, inkluzite informatikisto Bill Joy, identifikis faki di teknologii qui lu judikas esencala a futuro di la homaro. Joy avertas ke la teknologio povas uzesar dal eliti por bonajo o malajo. Lu povas uzar lo quale "bona pastori" por la cetera homaro, o decidas ke omnu esas superflua ed incitas por maso extingo di to superflua per teknologio. Advokati di avantaji di teknologikala chanjo kustume vidas emersanta e konverganta teknologii kom oferanta espero por la plubonigo di homala stando. Tamen, kritikeri di la riski pri teknologiala chanjo, e mem kelka defenseri, exemple transhumanista filozofo Nick Bostrom, avertas ke kelka di ta teknologii kontenas danjeri, forsan mem kontributus a l'extingo di homaro ipsa: c.e. kelka di to povas envolvar existencala riski. Multa etikala debato centri pri distributiva yusteso en atribuanta aceso a salutara formi di teknologio. Kelka pensanti, exemple ambientala etikisto Bill McKibben, opozas la duranta developado di avancinta teknologii parte por timar ke lia profiti porcionigesos neegale, parte pro ke to povas facar plu mala la stando di la povreso. Kontree, l'inventisto Ray Kurzweil esas inter tekno-utopianti qua kredas ke emersanta e konverganta teknologii povos ed eliminos povreso ed abolisos sufrado.