Ne achtu partidoj pal ikshitachti ijtik tejtepewa nacional (Inglaterra–Escocia, 0-0, 1872)
Ne tamakalis: Kuskatan 1-1 Irak. Ne tajtaishtukani: Kuskatan: 34' Jairo Henríquez; Irak: 40' Suad Nariq. Ne sabadoj witz Kuskatan yawi mawiltia itech Turquia tik ne Copaj pal ne Taltikpak.
Pashaluat pejpetznaj tik bicicletaj: Zaragoza (España), 2009
Kenha ken tik uksejse techan tik ankakeski shiwit, ini sabadoj miak mil takamet wan siwatket tik bijbicicletaj kiyawalujket Meshijku DF petznaj. Pejket kichiwat ijkiuni ne achtu wipta tik Canada. Taika? Inat ka pal techelnamiktiliat ka yek ma tinejnemikan tik bicicletaj pal tuweyka wan pal te tiksusulwikan ne tal iwan ne cajcarroj ne kitatiat gasolinaj. Nusan pal ne kiwikat carroj kielnamikit ka munekit kichiwat respetar ne nejnemit tik bicicletaj tik ne ujti.
Qomolangma, Sagarmāthā ush Everestepet, ken muita tik ne ejekat
Se siwat pal Arabia Saudita tejkutuk itzunpan ne tepet mas kojtik pal ne taltikpak, ne Everestepet (itukay Qomolangma tik Tibet taketzalis, wan Sagarmāthā tik Nepal taketzalis). Ne siwat itukay Raha Moharrak wan kipia 25 shiwit. Yaja ne achtu siwat Saudi ne tejkuk ijpak. Ina ka kichiwtuk pal kitepewa tumin pal kipalewia ne tajtamachtiluyan ipal Nepal. Tik Arabia Saudita te kiajkawat ne siwatket kichiwat tay welit kichiwat ne ukichmet wan miak te kinekituyat ma yawi tejku ijpak Everest ika kimatit ka uni te yek pal se siwat.
Pejtiwit mutaluat tik ne maraton pal Londres, kwak panutuk se semanaj ka mutapanket ume tapanwas tik ne maraton pal Boston wan mikiket yey. Inat ka te majmawit; melka uni, yajtiwit sujsul miak policiaj pal tajpiat. Ne mutaluanit kiwikat se cintaj tiltik pal kielnamikit ne miktiwit tik Boston. Yawit mutaluat takamet, siwatket wan nusan sejse pak yajyawalmutalijka. (BBC News)
Ne chimal (ipal ne Barça pal 1925 wan nusan ne achtu chimal ipal Barcelona (Guayaquil)
Tikmatit ka Barcelona ne wey techan ipal Cataluña, se tal ipal Ewropa. Nusan tikmatit ka kipia se tepewa pal ikshitachti (futbol) sujsul yek, ne "Barça". Anka te tikmati katka ka ne techan itukay Guayaquil tik Ecuador kipia se tepewa ipal ikshitachti itukay Barcelona nusan, wan mumati ka yaja ne mas yek tepewa ipal muchi Ecuador. Inat ka se Catalan ajsik Guayaquil wan kiketzki. Ini shiwit ne Barça ipal Cataluña yawi sea yek. Wan ne ipal Guayaquil? Inat ka te... lastimaj! (BBC)
YSUES Radio Universitaria tik 660AM: "Cultura Latinoamericana" ne lujlunes ka 10 horaj ka peyna. Wejkatanutza: 2511-2020. Shiwi tuwan!
Curso de náhuat: Centro Cultural Ne Yawal (Av. Izalco casa 102A, Colonia Centroamérica), los sábados 9-11:30 am, $1 la sesión a partir del 11 de enero 2014. Niveles Básico y Avanzado. Tamachtiani: Werner Hernández.
Clases de náhuat (nivel básico): Escuela de Artes de la UES, los viernes 2-4 pm, $0.50 x clase. Cuando lleguen pregunten dónde es el salón o por Guishtemi (77132406).
Taller de náhuat. Centro de Artes Hermanos Aguilar. Sábados 3:00pm. Inicio: 6 de abril 2013. Info. tel. 2222-3418.
