Serb Progressiv Partise
Li Serb Progressiv Partise (serb-cirilic: Српска напредна странка, SNS) es un national-conservativ partise de Serbia. It esset fundat in li annu 2008 ex li moderat parte del nationalistic Serb Radical Partise. Li Serb Progressiv Partise guverna Serbia desde li annu 2012. Li partise es acurtat SNS.
- Fundation: 21-im de octobre 2008 in Beograd
- Adresse: Palmija Toljatija 5, Beograd 11000
- Political direction: national-conservativ, ma por li membritá de Serbia in li Europan Union
- Presidente: Miloš Vučević desde li 27-im de may 2023
- Fundator: Tomislav Nikolić
- Vice-Presidente: Jorgovanka Tabaković
- Sub-presidentes: Aleksandar Šapić, Ana Brnabić, Marko Đurić, Nevena Đurić, Irena Vujović, Siniša Mali, Vladimir Orlić
- Colors: rubi-blu-blanc
- Númere de membres: circa 800.000
- International relations: Proxim del Europan Popul Partise, ma anc strett relationes con li partise Unit Russia e con li Partise del Libertá de Austria
- Reprensentantes in li national parlament: 103 de 250 sedes
Presidentes del partise
[modificar | redacter fonte]- 2008-2012 Tomislav Nikolić
- 2012-2023 Aleksandar Vučić inter li 29-im septembre 2012 e li 27-im de may 2023.
- 2023- Miloš Vučević desde li 27-im de may 2023.
Historie
[modificar | redacter fonte]In li 6-im septembre 2008 fundat li vice-presidente del Serb Radical Partise Tomislav Nikolić con 20 altri membres del parlament del Serb Radical Partise li fraction Adavan Serbia! in li parlament de Serbia. Li 12-im de septembre 2008 Tomislav Nikolić e li altri membres de ti fraction esset excludet ex li Serb Radical Partise. Ili decidet fundat un nov partise.
Li Serb Progressiv Partise esset fundat li 21-im de octobre 2008 oficialmen li Serb Progressiv Partise (Srpska napredna stranka/SNS).ex li fraction Adavan Serbia. Tomislav Nikolić e su adherentes apartenet al moderat parte del Serb Radical Partise e ili es por un integration de Serbia in li Europan Union. Tomislav Nikolić esset electet quam unesim presidente del partise.
In li annu 2008 li Popul Partise de Maja Gojković fuset se con li Serb Progressiv Partise.
Por li election parlamentari in li annu 2012 li Serb Progressiv Partise fundat li coalition Lass nos mover Serbia! con li partises Nov Serbia, Movement Fortie de Serbia e li Movement de Socialistes. Li coalition ganiat 73 sedes in li parlament de queles li Serb Progressiv Partise ganiat 55 sedes.
Li 20-im de may 2012 Tomislav Nikolić victet in li electiones presidential Boris Tadić e devenit li 31-im de may 2012 presidente de Serbia. Tomislav Nikolić demissionat li sam die quam presidente del Serb Progressiv Partise. Li vice-presidente del partise Aleksandar Vučić devenit in prim temporarimen presidente del partise. Li 29-im de septembre 2012 Aleksandar Vučić esset electet oficialmen al presidente del Serb Progressiv Partise.
Li 14-im de marte 2014 li Serb Progressiv Partise triumfat in li preliminari electiones parlamentari e ganiat 48,35 percentes e 131 de 250 sedes in li parlament de Serbia. Li Serb Progressiv Partise candidat in un coalition con Socialdemocratic Partise de Serbia, Nov Serbia, li Movement por li Serb Renovation e li Movement de Socialistes sub li nómine Aleksandar Vučić - li futur a quel noi crede.
In li partise domina li presidente Aleksandar Vučić quel es tre activ por li integration de Serbia in li Europan Union. Li fundator del partise e actual presidente del partise Tomislav Nikolić ha perdit mult influentie in li partise. Il prefere bon relationes a Russia e es contra compromisses in li question de Kosovo in contrarie al prim-ministre Aleksandar Vučić.
Desde li annu 2012 li Serb Progressiv Partise guverna Serbia in un coalition con li Socialist Partise de Seribia e quelc litt partises.
Electoral resultates
[modificar | redacter fonte]Electiones al parlament de Serbia
[modificar | redacter fonte]- 2012 24,05 percentes e 55 sedes (in un coalition con li partise Movement Fortie de Serbia)
- 2014 48,35 percentes e 131 de 250 sedes.
- 2016 48.25 percentes e 93 de 250 sedes.
Electiones presidential
[modificar | redacter fonte]| Annu del election | Candidate | 1-im rond votes | % | 2-im round votes | % |
|---|---|---|---|---|---|
| 2012 | Tomislav Nikolić | 979,216 | 25.05% | 1,552,063 | 49.54% |
Programma
[modificar | redacter fonte]Li Serb Progressiv Partise vole que Kosovo resta un parte de Serbia, ma it suporta li integration de Serbia in li Europan Union. Economic reformes e un combatte contra li coruption es altri important punctus in li programma del partise.