Փոլ Փիրս

	Փոլ Փիրս; Paul Pierce
	;
Դիրքը	Թեթև հարձակվող
Ի ծնե տրված անունը	Փոլ Էնթոնի Փիրս; Paul Anthony Pierce
Ծննդյան ամսաթիվ	հոկտեմբերի 13, 1977 (47 տարեկան)
Ծննդավայր	Օքլենդ, Կալիֆորնիա ԱՄՆ
Հասակ	201 սմ
Քաշ	107 կգ
Դպրոց	Ինգլվուդի ավագ դպրոց
համալսարան	Կանզաս (1995–1998)
Դրաֆթի տարի	1998 / ռաունդ՝ 1 / ընտր.՝ 10-րդ
Դրաֆթ ակումբ	Բոստոն Սելտիքս
Կարիերայի պատմություն
	Բոստոն Սելտիքս (1998-2013); Բրուքլին Նեթս (2013-2014); Վաշինգտոն Վիզարդս (2014-2015); Լոս Անջելես Կլիպերս (2015–2017)
Մրցանակներ
	; NBA չեմպիոն (2008); NBA գերեզրափակչի MVP (2008); 10× NBA աստղ (2002–2006, 2008–2012); All-NBA երկրորդ թիմ (2009); 3× All-NBA երրորդ թիմ (2002–2003, 2008); NBA All-Rookie առաջին թիմ (1999); NBA 3-միավորանոց նետումների մրցման հողթող (2010); Կոնսենսուս All-American երկրորդ թիմ (1998); 2× Big 12 մրցույթի MVP (1997-1998); # 34 մարզաշապկի հավերժացում Կանզասի համալսարանի կողմից;

Փոլ Էնթոնի Փիրս (անգլ.՝ Paul Anthony Pierce, հոկտեմբերի 13, 1977(1977-10-13), Օքլենդ, Կալիֆոռնիա, ԱՄՆ), ամերիկացի նախկին բասկետբոլիստ, թեթև հարձակվող։ Առավելապես հայտնի է Բասկետբոլի ազգային ասոցիացիայի (NBA) «Բոստոն Սելտիքս» ակումբում հանդես գալու տարիներից (1998-2013)։

Ավագ դպրոցում արժանանացել է McDonald's All-American, իսկ Կանզասի համալսարանում՝ All-America առաջին թիմ տիտղոսներին։ 1998 թվականի դրաֆթում «Սելտիքս»-ի կողմից ընտրվելուց ի վեր՝ Փիրսը միշտ եղել է ակումբի մեկնարկային հնգյակում։ 10 անգամ ճանաչվել է աստղ (NBA All-Star), 4 անգամ արժանացել All-NBA տիտղոսի, 2008 թվականին հաղթել NBA-ի գավաթը՝ աստղային բասկետբոլիստներ Քևին Գարնետի և Ռեյ Ալլենի թիմակցությամբ, ընդ որում փիրսն արժանացել է գերեզրափակչի ամենաարժեքավոր խաղացողի (MVP) մրցանակին։ 2010 թվականի փլեյ-օֆֆների ժամանակ իր թիմն հասցրել է ընդհուպ մինչև գերեզրափակիչ՝ պարտվելով Կոբի Բրայանտի գլխավորած «Լոս Անջելես Լեյքերսին»։

Տես նաև

1000 և ավելի խաղի մասնակցած NBA բասկետբոլիստների ցանկ

Արտաքին հղումներ