Ֆանդանգո (ռեստլեր)
| Ֆանդանգո Fandango | |
|---|---|
 | |
| Իրական անուն | Քուրտիս Ջոնաթան Հասի Curtis Jonathan Hussey |
| Ռինգային անուն(ներ) | Ֆանդանգո[1] Ջոնի Քուրտիս Ջոնաթան Ջոնաթան Քուրտիս |
| Ընդհանուր տեղեկություններ | |
| Հայտարարվող քաշ | 111 կգ |
| Հայտարարվող հասակ | 1,93 մ |
| Ծննդյան թվական | հուլիսի 22, 1981 (43 տարեկան) |
| Ծննդավայր |  Սթենդիշ, Մեն, ԱՄՆ |
| Ապրելավայր | Տամպա, Ֆլորիդա, ԱՄՆ |
| Մարզիչ | Քիլլեր Կովալսկի «Deep South Wrestling» Բիլ Դեմոտ «Florida Championship Wrestling» Լյուիս Հոթչին |
| Դեբյուտ | Սեպտեմբեր, 1999 |
Քուրտիս Ջոնաթան Հասի (անգլ.՝ Curtis Jonathan Hussey, հուլիսի 22, 1981, Բոստոն, ԱՄՆ), ամերիկացի պրոֆեսիոնալ ըմբշամարտիկ։ Ներկա պահին հանդես է գալիս «WWE» կազմակերպությունում՝ ելույթներ ունենալով Ֆանդանգո ռինգային անվամբ։
Մասնագիտական նորամուտը կատարել է 1999 թվականին ելույթներ ունենալով Նոր Անգլիայի բազմաթիվ փոքրամասշտաբ առաջնություններում և բազմաթիվ առիթներով տիրելով PLW Նոր Անգլիայի, PWF հյուսիսարևելյան թիմային, PWF հյուսիսարևելյան ծանրքաշային, NCW Նոր Անգլիայի, SCCW թեթևքաշային և մի շարք այլ չեմպիոնական տիտղոսների։
2006 թվականին մարզական պայմանագիր կնքելով «World Wrestling Entertainment» (WWE) կազմակերպության հետ, Հասին սկսում է ելույթներ ունենալ «Deep South Wrestling» (DSW), այնուհետև՝ «Florida Championship Wrestling» (FCW) կրտսեր առաջնություններում։ «FCW»-ի կազմում մի քանի անգամ ճանաչվել է FCW Ֆլորիդայի թիմային չեմպիոն։ 2010-11 թվականներին մասնակցել և հաղթանակ է տարել «WWE NXT» իրական հեռուստաշոուի 4-րդ եթերաշրջանում՝ որպես մրցանակ ստանալով հիմնական կազմում հանդես գալու պայմանագիր[2]։
2013 թվականին Հասին հանրությանը ներկայանում է «Ֆանդանգո» ռինգային անվամբ։ Ֆանդանգոյի կերպարը հանրության կողմից արժանանալով դրական ընդունելության, մեծ ազդեցություն է ունենում «iTunes» առցանց բազայի հիթ շքերթներում նրա մուտքային երաժշտության բարձր հորիզոնականներ գրավելու, ինչպես նաև զանգվածային լրատվամիջոցների կողմից բազմիցս լուսաբանվելու հարցում[3][4]։
Ծանոթագրություններ
[խմբագրել | խմբագրել կոդը]- ↑ «Մարզիկի էջը WWE պաշտոնական կայքում». Ֆանդանգո
- ↑ «Ջոնի Քուրտիսի կենսագրությունը». «World Wrestling Entertainment». Արխիվացված է օրիգինալից 2012 թ․ դեկտեմբերի 28-ին. Վերցված է 2015 թ․ մայիսի 20-ին.
- ↑ Mr. 561 (2013 թ․ ապրիլի 15). «Թարմ լուրեր ֆանդանգոինգի հեղափոխության և դրա զանգվածային հայտնության մասին». «SEScoops».
{{cite web}}: CS1 սպաս․ թվային անուններ: authors list (link)(չաշխատող հղում) - ↑ Բենսոն, Ուիլ (2013 թ․ ապրիլի 9). «Ֆանդանգոյի թեմատիկ երաշժշտությունը մուտք է գործում Այթյունզի բրիտանական շքերթ». WrestlingRumors.net. Արխիվացված է օրիգինալից 2014 թ․ հուլիսի 15-ին.
Արտաքին հղումներ
[խմբագրել | խմբագրել կոդը]- Էջը WWE.com կայքում(անգլ.)
- Էջը IMDb կայքում(անգլ.)
 | Վիքիպահեստն ունի նյութեր, որոնք վերաբերում են «Ֆանդանգո (ռեստլեր)» հոդվածին։ |
| ||||||
