Jump to content

Տատյանա Մասլանի

Վիքիպեդիայից՝ ազատ հանրագիտարանից
Տատյանա Մասլանի
Ծննդյան թիվ՝սեպտեմբերի 22, 1985(1985-09-22)[1] (39 տարեկան)
Ծննդավայր՝Ռեջայնա, Կանադա
Քաղաքացիություն՝ Կանադա
 ԱՄՆ
Մասնագիտություն՝դերասանուհի, հեռուստատեսային դերասանուհի, կինոդերասանուհի, պարուհի և գրող
Պարգևներ՝
IMDb։ID 1137209

Տատյանա Գաբրիելա Մասլանի[2] (անգլ.՝ Tatiana Gabriele Maslany, սեպտեմբերի 22, 1985(1985-09-22)[1], Ռեջայնա, Կանադա[3]), կանադացի դերասանուհի և հնչյունովորող։ Տատյանա Մասլանիի դերասանական կարիերան սկսել է փոքր դերերով երեխաների համար կանադական հեռուստածրագրերում, որից հետո նկարահանվել է մի քանի ֆիլմերում, ինչպիսիք են «Քույր մարդագայլը» (2004), «Մեռածների օրագիր» (2007), «Հանճարության առկայծում» (2008) և «Որոնվածը» (2009), ինչպես նաև գլխավոր դերեր է խաղացել կանադական հեռուստաֆիլմերում[4]։

Կենսագրություն

[խմբագրել | խմբագրել կոդը]

Վաղ տարիներ

[խմբագրել | խմբագրել կոդը]

Տատյանա Մասլանին ծնվել է 1985 թվականի սեպտեմբերի 22-ին Կանադայի Սասկաչևան նահանգի Ռեջայնա քաղաքում։ Նրա հայրը՝ Դեն Մասլանին, ատաղձագործ է, իսկ մայրը՝ Ռենատե Մասլանին, թարգմանչուհի։ Նա ունի երկու կրտսեր եղբայր՝ Դանիել և Մայքլը։ Մասլանին ունի ավստրիական, գերմանական, լեհական, ռումինական և ուկրաինական արմատներ։ Տարրական դպրոցում Տատյանան սովորել է ֆրանսերեն, հետո մայրը նրան սովորեցրել է գերմաներեն։ Տատյանա Տատյանայի տատիկն ու պապիկը խոսել են գերմաներեն։ Հետո Տատյանան սկսել է անգլերեն սովորել։ Նա նաև մի քիչ խոսում է իսպաներեն[5]։

Մանկուց Տատյանան զբաղվել է պարերով և խաղացել դպրոցական թատրոնում։ 2003 թվականին ավարտել է Dr․ Martin LeBoldus High School միջնակարգ դպրոցը, որտեղ մասնակցել է բազմաթիվ թատերական բեմադրությունների։ Ավարտելուց հետո նա անցկացրել է որոշ ժամանակ ճանապարհորդել է, իսկ 20 տարեկանում բնակություն է հաստատել Օնտարիո նահանգի Տորոնտո քաղաքում։

Մասլանին Canadian Improv Games թիմային թատերական խաղերի նախկին մասնակից է։

Կարիերա

[խմբագրել | խմբագրել կոդը]
Դիլան Բրյուսը, Ջորդան Ջավարիսը և Տատյանա Մասլանին 2014 թվականին

Մասլանին իր դերասանական կարիերան սկսել է ոչ մեծ դերերով այնպիսի հեռուստասերիալներում, ինչպիսիք են «Incredible Story Studio»-ն (1997-2002) և «2030 CE»-ն (2002-2003), որոնցում ունեցած դերի համար ստացել է «Blizzard Award» մրցանակը «Լավագույն կանացի դեր» անվանակարգում։ Այնուհետև խաղացել է Դիանա Միլսի դերը «Մենահամերգ» (2003) կարճամետրաժ ֆիլմում։

Դեր է խաղացել նաև ռեժիսոր Ջոն Ֆոուսետի «Քույր մարդագայլը» եռապատման երկրորդ մասում (2004), որտեղ նրա գործընկերներն են Էմիլի Պերկինսը, Քեթրին Իզաբելը և Բրենդան Ֆլետչերը։ Իր դերի համար դերասանուհին ստացել է «Chainsaw Award» մրցանակը «Երկրորդ պլանի լավագույն կանացի դեր» անվանակարգում։

Առաջին հայտնիությունը նա ստացել է կանադական դեռահասական սերիալում ունեցած դերի շնորհիվ Renegadepress.com (2004-2006) և 2005 թվականին առաջադրվել է «Ջեմինի» մրցանակի «Դրամա սերիալում կնոջ լավագույն դերի համար»[6]։

Տատյանա Մասլանին San Diego Comic-Con International-ում 2015 թվականին

Անձնական կյանք

[խմբագրել | խմբագրել կոդը]

2011 թվականից Մասլանին հանդիպում է ուելսցի դերասան Թոմ Քալենի հետ։ Նրանք Բուդապեշտում ծանոթացել են «Աշխարհն առանց վերջի» հեռուստասերիալի նկարահանումներին[7][8][9]։ Ներկայումս նրանք բնակվում են Կալիֆոռնիա նահանգի Լոս Անջելես քաղաքում[10]։

Աուդոգրքեր

[խմբագրել | խմբագրել կոդը]
Տարի Անվանում Դեր Ծանոթագրություններ Աղբյուր
2015 Locke & Key Դոջ 13 ժամանոց աուդիո դրամա [11]
2018 Սոված խաղեր Քիթնիս Էվերդին 10 ժամանոց ֆանտաստիկա [12]

Ծանոթագրություններ

[խմբագրել | խմբագրել կոդը]
  1. ↑ 1,0 1,1 L'Encyclopédie canadienne, The Canadian Encyclopedia
  2. ↑ «Tatiana Maslany and Tom Cullen stole cars and spelled their own names wrong». The A.V. Club (անգլերեն).
  3. ↑ «Tatiana Maslany». TV Guide (անգլերեն).
  4. ↑ «Canadian Tatiana Maslany wins Emmy for best lead actress in a drama» (անգլերեն). Վերցված է 2016 թ․ սեպտեմբերի 28-ին.
  5. ↑ «Tatiana Maslany Chat with fan about Orphan Black and Evelyne Brochu» (անգլերեն). Վերցված է 2014 թ․ հունիսի 12-ին – via Youtube.
  6. ↑ «Awards for Tatiana Maslany». Internet Movie Database. Արխիվացված օրիգինալից 2013 թ․ հունիսի 6-ին. Վերցված է 2013 թ․ հունիսի 5-ին.
  7. ↑ Valentini, Valentina (2016 թ․ մարտի 18). «Tatiana Maslany and Boyfriend Tom Cullen on 'Joyful' Experience Working Together and Those 'Orphan Black' Spoilers». Entertainment Online (անգլերեն). Վերցված է 2016 թ․ հուլիսի 27-ին.
  8. ↑ «Tatiana Maslany: 5 Fast Facts You Need to Know». Heavy.com (անգլերեն). Վերցված է 2014 թ․ հունիսի 19-ին.
  9. ↑ Murphy, Mary. «'Orphan Black' Star Undergoes Hollywood Treatment». New York Post (անգլերեն). Վերցված է 2014 թ․ սեպտեմբերի 16-ին.
  10. ↑ «Tatiana Maslany Says Goodbye to 'Orphan Black'». Marie Claire (անգլերեն). 2017 թ․ օգոստոսի 13. Վերցված է 2017 թ․ սեպտեմբերի 26-ին.
  11. ↑ «'Locke & Key' Is Coming Back — With Tatiana Maslany And An All-Star Cast [Exclusive]». MTV News (անգլերեն). Արխիվացված է օրիգինալից 2015-07-10-ին. Վերցված է 2015 թ․ հոկտեմբերի 10-ին.
  12. ↑ «'Tatiana Maslany to narrate special-edition Hunger Games audiobook: First listen». Entertainment Weekly (անգլերեն). Վերցված է 2018 թ․ հոկտեմբերի 31-ին.
Վիքիպահեստն ունի նյութեր, որոնք վերաբերում են «Տատյանա Մասլանի» հոդվածին։
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Տատյանա_Մասլանի&oldid=10067340» էջից