Ալյումասիլիկատներ

Ալյումասիլիկատներ, ապար կազմող կարևորագույն միներալների ամենալայն տարածված խումբ։

Կազմ

Պարունակում են սիլիցիումի և ալյումինի (հաճախ նաև այլ մետաղների) օքսիդներ։ Կազմում են երկրակեղևի հիմնական մասը։ Ալյումասիլիկատների խմբի մեջ մտնում են՝

դաշտային սպաթները,
ֆելդսպաթոիդները (նեֆելին, լեյցիտ և այլն),
ցեոլիտի,
սոդալիտի,
սկապոլիտի,
փայլարի
քլորիտի խմբերի միներալները։

Բնական գործոնների ազդեցությամբ (հիմնականում՝ CO₂ և H₂O) ալյումասիլիկատներ հողմահարվելով՝ առաջացնում են կավ, երբեմն էլ՝ բոքսիտ։

Կիրառություն

Ալյումասիլիկատներ լայնորեն տարածված են նաև ՀԽՍՀ-ում։ Բնական ալյումասիլիկատից բացի լայն կիրառություն ունեն արհեստական ալյումասիլիկատները, որպես իոնափոխանակիչներ, ադսրբենտներ, կատալիզատորներ են։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 184)։