Mjezynarodna swětnišćowa stacija

Mjezynarodna swětnišćowa stacija (jendźelsce International Space Station, ISS) je najwjetša hdy natwarjena swětnišćowa stacija. Jedna so wo multinacionalny zhromadny projekt, na kotrymž je pjeć swětnišćowych organizacijow wobdźělene: NASA (Zjednoćene staty Ameriki), Roscosmos (Ruska), JAXA (Japanska), ESA (Europa) a CSA (Kanada).

Stacija słuži jako mikrograwitaciski a swětnišćowy slědźerski labor, w kotrymž so wědomostne slědźenje w biologiji, astronomiji, meteorologiji, fyzice a druhich wobłukach přewjedźe. Mjezynarodna swětnišćowa stacija hodźi so k testowanju swětnišćowych systemow a wuhotowanjow, kotrež su za móžne přichodne dołhodobne misije k měsačkej a Marsej trěbne.

Prěnja komponenta ISS bu 1998 startowana, a prěni dołhodobni wobydlerjo přichadźachu 2. nowembra 2000, po tym zo běchu 31. oktobra 2000 wot kosmodroma Bajkonur startowali. Stacija leći w niskim zemskim orbiće něhdźe 420 km nad powjerchom zemje, tak zo je husćišo na hwězdnym njebju jako jedyn z najswětlišich objektow widźeć.

Wotkazy

Commons: International Space Station – Zběrka wobrazow, widejow a awdiodatajow

Webstrona Mjezynarodneje swětnišćoweje stacije wot NASA (jendź.)
ISS tracker wot ESA (jendź.)