Patrick Stewart

Patrick Stewart
Stewart (2023)
Ennym ruggyree	Patrick Stewart
Ruggit	13 Jerrey Souree 1940 (84 bleeaney d'eash) Mirfield, Yorkshire Heear, Sostyn
Seyraanaght	Reeriaght Unnaneysit
Çhengey	Baarle
Keird	aghteyr çhellveeish · aghteyr fillym · aghteyr goo · stiureyder · ynseyder ollooscoill · aghteyr ardan · aghteyr · stiureyder fillym
Bleeantyn obbree	1966–jiu
Failleyderyn	Ollooscoill Aah yn Ollee Ollooscoill Huddersfield
Ynsagh	Bristol Old Vic Theatre School (en) Crowlees Junior and Infant School (en)
Yrjid	1.78 m
Sheshey	Sheila Falconer (en)  (Mayrnt 3, 1966 –  1990) Wendy Neuss (en)  (Luanistyn 25, 2000 –  2003) Sunny Ozell (en)  (Mean Fouyir 7, 2013 –
Paitçhyn	slane rolley Daniel Stewart (en)
Partee politickagh	Partee yn Lught Obbyr
Olteynys boayrd	Royal Shakespeare Company (en) Humanists UK (en) Dignity in Dying (en)
Credjue	anjeeys
Aundyryn	slane rolley Officer of the Order of the British Empire  (2000) Knight Bachelor  (2009) Grammy Awards honorary doctorate of the Vrije Universiteit Brussel  (2015) star on Hollywood Walk of Fame Laurence Olivier Award for Best Actor in a Supporting Role  (1979)
Coorse caggee
Shirveish/crouw	yn Armee Ghoaldagh
Kianglaghyn fysseree as sheshoil
IMDb	nm0001772
Discogs ID	438839
Instagram	sirpatstew
X	SirPatStew as sirpatstew

She aghteyr Sostynagh eh yn Reejerey Patrick Stewart OBE (ruggit er 13 Jerrey Souree 1940). Ta'n coorse bea echey goll harrish shiaght jeihaghtyn ayns gientyn ardan, çhellveeish, scannane, as gamman-feeshan eigsoylagh. T'eh er ve enmyssit son aundyryn Olivier, Tony, Golden Globe, Emmy, as y Screen Actors Guild. Hooar eh rollage er y Hollywood Walk of Fame er 16 Nollick 1996. Ayns 2010, v'eh jeant ny reejerey liorish y Ven-rein Ealisaid II son e hirveishyn 'sy drama.

Ayns 1966, haink er Stewart dy ve ny oltey jeh'n Royal Shakespeare Company. Ren Stewart cloie da'n chied cheayrt er Broadway ayns 1971 ayns gientyn A Midsummer Night's Dream. Ayns 1979, hooar eh Aundyr Laurence Olivier son yn Aghteyr Share ayns Paart Co-hassooagh son e chloie ayns Antony and Cleopatra 'sy West End. Haink e chied phaart çhellveeish 'sy straih Coronation Street liorish ITV ayns 1967. Haink e chied ard-phaartyn ayns gientynyn çhellveeish Fall of Eagles (1974), I, Claudius (1976), as Tinker Tailor Soldier Spy (1979) liorish y BBC. Ayns 2008 ren eh cloie Ree Claudius ayns Hamlet as hooar eh e nah Aundyr Olivier as e chied enmyssaght son Aundyr Tony son gientynyn theateragh West End as Broadway er lheh.

Hooar Stewart enney mooar son e phaart myr Captan Jean-Luc Picard ayns Star Trek: The Next Generation (1987-1994), e scannaneyn eiyrtyssagh, as Star Trek: Picard (2020-jiu). Chloie eh Captain Ahab 'sy straih Moby Dick (1998) liorish USA Network, Ebenezer Scrooge ayns A Christmas Carol (1999) liorish TNT, as Ree Inry II ayns The Lion in Winter (2003) liorish Showtime. Chammah's shen, haink er dy ve ennoil son e chloiaghyn aitt 'sy sitcom Frasier liorish NBC as y straih Extras liorish y BBC raad hooar eh enmyssaght son Emmy. Er y gherrid, t'eh er chloie yn paart toshee 'sy straih Blunt Talk (2015-2016) liorish Starz. T'eh cur e ghoo rish Lhiass Stiureyder y CIA Avery Bullock er American Dad!.

Haink e chied phaart 'sy scannaneaght lesh y scannane Hedda (1975) marish cloiaghyn elley ayns Excalibur (1981), as Dune (1984). Hooar eh tooilley enney tra ren eh cloie yn Olloo Charles Xavier 'sy straih scannane X-Men (2000-2009), ayns Logan (2017), as tra ren eh cloie lhieggan caghlaaee yn characteyr 'sy scannane Doctor Strange in the Multiverse of Madness (2022). T'eh er chloie ayns scannaneyn elley, lheid as L.A. Story (1991), Robin Hood: Men in Tights (1993), Jeffrey (1995), as The Kid Who Would Be King (2019). T'eh mie er enney son yn obbyr ghoo ayns The Pagemaster (1994), The Prince of Egypt (1998), Jimmy Neutron: Boy Genius (2001), Chicken Little (2005), Gnomeo & Juliet (2011), as Ted (2012).

Kianglaghyn magh

• Patrick Stewart ec IMDb