Zelandia (continente)

Topografía de Zelandia. As liñas que se marcan ao norte, ao nordés e ao suroeste lonxe de Nova Zelandia non son consideradas parte do continente. Tampouco Australia, Fidxi nin Vanuatu.

O continente de Zelandia, tamén chamado continente de Nova Zelandia, é un continente case mergullado, que se afundiu despois de separarse de Australia hai 60-85 millóns de anos e da Antártida hai 130-185 millóns de anos.^[1]^[2] Acabouse de mergullar hai aproximadamente 23 millóns de anos e a maior parte está afundida (ao redor do 93 %) baixo o océano Pacífico.^[3]^[4]

Ten unha área de 4 900 000 km², é máis grande ca Groenlandia ou a India e máis da metade do tamaño de Australia.^[5] É excepcionalmente longo e estreito, desde Nova Caledonia ao norte até máis aló das illas subantárticas de Nova Zelandia polo sur. Nova Zelandia é o anaco máis grande do continente sobre o nivel do mar, seguido de Nova Caledonia.

Este descubrimento foi posible grazas á análise de miles de datos xuntados ao longo de décadas por diferentes expedicións científicas. Os investigadores tamén explicaron que Zelandia é un fragmento do supercontinente de Gondwana, que se separou hai máis de 100 millóns de anos.^[6]

O descubrimento de Zelandia ten importantes implicacións tanto para a xeoloxía como para a bioloxía mariña, xa que podería axudar a explicar como se formaron os continentes, e aclarar como se distribúen as diferentes especies animais e vexetais. A pesar de que Zelandia é o máis novo dos continentes, foi unha das últimas partes da Terra en ser descubertas e recoñecidas como tal.^[6]

Notas

↑ "Zelandia incluiría a Nueva Zelanda y Nueva Caledonia". 3 de marzo de 2017.
↑ Keith Lewis; Scott D. Nodder; Lionel Carter (11 de xaneiro de 2007). "Zealandia: the New Zealand continent". Te Ara Encyclopedia of New Zealand. Consultado o 22 de febreiro de 2007.
↑ "Searching for the lost continent of Zealandia". The Dominion Post. 29 de setembro de 2007. Consultado o 9 de outubro de 2007. We cannot categorically say that there has always been land here. The geological evidence at present is too weak, so we are logically forced to consider the possibility that the whole of Zealandia may have sunk.
↑ Campbell, Hamish; Gerard Hutching (2007). In Search of Ancient New Zealand. North Shore, New Zealand: Penguin Books. pp. 166–167. ISBN 978-0-14-302088-2.
↑ "Hallado Zelandia, un enorme continente sumergido en el Pacífico". El País.
↑ ^6,0 ^6,1 "El continente perdido que tardaron 375 años en encontrar". BBC News Mundo (en castelán). Consultado o 2023-02-21.

Véxase tamén

Outros artigos

[1] "Zelandia incluiría a Nueva Zelanda y Nueva Caledonia". 3 de marzo de 2017.

[Te_Ara-2] Keith Lewis; Scott D. Nodder; Lionel Carter (11 de xaneiro de 2007). "Zealandia: the New Zealand continent". Te Ara Encyclopedia of New Zealand. Consultado o 22 de febreiro de 2007.

[3] "Searching for the lost continent of Zealandia". The Dominion Post. 29 de setembro de 2007. Consultado o 9 de outubro de 2007. We cannot categorically say that there has always been land here. The geological evidence at present is too weak, so we are logically forced to consider the possibility that the whole of Zealandia may have sunk.

[4] Campbell, Hamish; Gerard Hutching (2007). In Search of Ancient New Zealand. North Shore, New Zealand: Penguin Books. pp. 166–167. ISBN 978-0-14-302088-2.

[5] "Hallado Zelandia, un enorme continente sumergido en el Pacífico". El País.

[:0-6] 6,0 ^6,1 "El continente perdido que tardaron 375 años en encontrar". BBC News Mundo (en castelán). Consultado o 2023-02-21.

[1]

[2]

[3]

[4]

[5]

[6]