Xoán IV de Portugal

Xoán IV de Portugal

Biografía
Nacemento	19 de marzo de 1604 Paço Ducal de Vila Viçosa, Portugal (pt)
Morte	6 de novembro de 1656 (52 anos) Pazo da Ribeira, Portugal
Lugar de sepultura	Igrexa de São Vicente de Fora
Monarca de Portugal
1 de decembro de 1640 – 6 de novembro de 1656 ← Filipe IV de España
Gran Mestre da Orde da Torre e Espada
Datos persoais
Outros nomes	O Vitorioso
Relixión	Catolicismo
Actividade
Ocupación	compositor, monarca, monarca
Movemento	Música barroca
Outro
Título	Duque Rei de Portugal
Familia	Casa de Bragança
Cónxuxe	Luísa de Gusmão (1633–1656), morte da persoa
Fillos	Teodósio, Príncipe do Brasil, Ana de Bragança, Joana, Princesa da Beira, Catarina de Braganza, Manuel de Bragança, Afonso VI de Portugal, Pedro II de Portugal
Pais	Teodósio II, Duque de Bragança   e Ana de Velasco e Girón
Irmáns	Duarte de Bragança, senhor de Vila do Conde Catarina de Bragança Alexandre de Bragança
Sinatura
Descrito pola fonte	Dicionario Musical Riemann (1901–1904) Dicionario Enciclopédico Brockhaus e Efron Encyclopædia Britannica

Xoán IV de Portugal.

Escudo de Xoán IV de Portugal.

Xoán IV de Portugal (en portugués João IV), alcumado O Afortunado ou O Restaurador, nado en Vila Viçosa en 1604 e finado en Lisboa o 6 de novembro de 1656, foi rei de Portugal entre 1640 e 1656, primeiro monarca da casa de Bragança.

Traxectoria

Orixes familiares

Fillo de Teodosio de Bragança, duque de Bragança, e da súa esposa Ana de Velasco, naceu o 19 de marzo de 1604.

Por liña materna descendía do rei Manuel I de Portugal, e como duque de Bragança descendía tamén de Xoán I de Portugal por liña feminina.

Ascenso ao trono

Durante a súa mocedade Filipe IV de Castela reinou en Portugal como descendente por liña feminina do rei Manuel. A dinastía Habsburgo fixérase co poder en Portugal ao derrotar en 1580 ao proclamado rei Antonio I de Portugal na batalla de Alcántara. O caràcter relixioso e pacífico do duque de Bragança impedíalle facer prevaler os seus dereitos lexítimos. A súa esposa Luísa de Guzmán impulsouno a ocupar o trono portugués, iniciando unha revolución o 1 de decembro de 1640, que acabaría por conseguir expulsar os casteláns.

A súa ascensión comportou unha guerra contra a Coroa de Castela, que rematará en 1668, co recoñecemento da independencia de Portugal. As alianzas asinadas por Portugal con Francia e Suecia, en xuño e agosto de 1641, enmarcadas na Guerra dos Trinta Anos, realizaronse para poder facer fronte aos intereses casteláns en Portugal, así como fronte os holandeses nas colonias portuguesas, especialmente o Brasil.

En Portugal a invasión española comezou en 1641, sendo reducida en Montijo en 1650. En xaneiro daquel mesmo ano os holandeses tomaron Malaca e en 1648, no sultanato de Oman, tomaron Muscat. En 1654 o Brasil tornou a mans portuguesas, unha aspiración holandesa que non se viu cumprida, mais Portugal viu caer en mans holandesas a illa de Sri Lanka en 1656.

Nupcias e descendentes

O futuro Xoán IV casou en 1633 en Elvas con Luísa de Guzmán (en portugués dita Luísa de Gusmão), filla de Juan Manuel Pérez de Guzmán, duque de Medina-Sidonia. Desta unión naceran:

• o infante Teodosio III de Bragança (1634-1653), príncipe do Brasil e duque de Bragança
• a infanta Ana de Bragança (1635)
• a infanta Xoana de Bragança (1636-1653)
• a infanta Caterina de Bragança (1638-1705), casada en 1662 con Carlos II de Inglaterra
• o infante Manuel de Bragança (1640)
• o infante Afonso VI de Portugal (1643-1683), rei de Portugal
• o infante Pedro II de Portugal (1648-1706), rei de Portugal

Tivo unha filla natural:

• María de Bragança (1644-1693), relixiosa

Rei de Portugal
Segue a: Filipe III	Xoán IV de Portugal (1640-1656)	Precede a: Afonso VI
	Dinastía de Braganza