Tuimil, Bóveda

Tuimil
Concello	Bóveda
Provincia	Lugo
Coordenadas	42°39′02″N 7°26′56″O / 42.65066171, -7.44891714
Poboación	84 hab. (2019)
Entidades de poboación	14
	[ editar datos en Wikidata ]

Santa María de Tuimil é unha parroquia que se localiza no concello de Bóveda. Limita coas parroquias de San Fiz de Rubián e Vilasouto ao norte, Laiosa ao leste, Guntín e Bóveda ao sur e Rubián ao oeste.

Segundo o padrón municipal de 2008 tiña 121 habitantes (60 homes e 61 mulleres), distribuídos en 14 entidades de poboación, o que supón unha diminución en relación ao ano 1999 cando tiña 175 habitantes.

Topónimo

O seu nome provén do xermánico teod mir (lugar eminente). No ano 1175, nunha bula do mosteiro de Samos, aparece a igrexa de Santa María de Toemir. En 1430 Gómez Ares vendeu a Vasco Fernández, todas as súas herdades en Xulián, freguesía de Santa María de Toymil, sendo notario da Somoza un tal Lorenzo.

Patrimonio

A igrexa de Santa María de Tuimil data dos séculos XVII e XVIII. É un edificio de tres naves, con muros de cachotería de lousa e cuberta a dúas augas, separadas entre si por dous arcos de medio punto en granito.

No lugar de Xullán atópase a capela de San Pedro, de planta rectangular e muros de cachotería de lousa enlucidos, con cuberta a dúas augas en madeira e lousa. Sobre a porta levántase un campanil dun só van.

Na arquitectura civil destaca no lugar da Abelleira, a Casa da Abelleira.

Destacan varios hórreos ben conservados no lugar de Xulián, e os Muíño de Vilaboa, de Pena, de Barxa, e do Pardo.

Lugares e parroquias

Lugares de Tuimil

Lugares da parroquia de Tuimil no concello de Bóveda (provincia de Lugo)
A Abelleira \| Barxa \| A Cabana \| Casanova \| O Castro \| Mazaira \| Meruz \| O Moredo \| Portaivente \| Regodaíde \| Ribeira \| Salgueiriña \| San Xurxo \| Tuimil \| Vilaboa \| Xullán

Parroquias de Bóveda

Galicia \| Provincia de Lugo \| Parroquias de Bóveda
Bóveda (San Martiño) \| Freituxe (Santiago) \| Guntín (San Cristovo) \| Martín (San Cristovo) \| Mosteiro (San Paio) \| Remesar (San Xoán) \| Ribas Pequenas (Santiago) \| Rubián (Santiago) \| San Fiz de Rubián (San Fiz) \| Teilán (Santa Baia) \| Tuimil (Santa María) \| Ver (San Vicenzo) \| Vilalpape (San Bartolomeu) \| Vilarbuxán (San Bartolomeu)

Notas

↑ ^1,0 ^1,1 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.

Véxase tamén

Outros artigos

Lugares de Bóveda

[nomenclátor-1] 1,0 ^1,1 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.

[1]