Pobo qumandi
Os qumandis é un pobo turcófono que habita no Krai de Altai, na República de Altai e no oblast de Kemerovo en Rusia. Están recoñecidos como un pobo indíxena da Federación Rusa (decreto 255/2000 do goberno ruso). Falan o qumanda, oficialmente un dialecto da lingua altai.
Segundo o censo de 2002 os qumandis eran 3114, distribuídos en:
- Krai de Altai: 1663
- República de Altai: 931
- Kemerovo: 294
- Resto de Rusia: 226
Anteriormente tan só no censo de 1926 aparecían rexistrados os qumandas como un grupo propio, naquela data eran 6327, a maioría, 4948 habitaban no distrito de Biysk. A actividade tradicional dos qumandis era a caza, a pesca, a cría de gando e a recolleita de bagas e froitos.
