Kurt Cobain
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
  | |
| Biografía | |
|---|---|
| Nacemento | 20 de febreiro de 1967 Aberdeen, Estados Unidos de América |
| Morte | c. 5 de abril de 1994 (27 anos) Seattle, Estados Unidos de América |
| Causa da morte | suicidio, ferida por arma de fogo |
| Outros nomes | Kurdt Kobain |
| Relixión | Agnosticismo |
| Educación | Aberdeen High School (en)  |
| Lateralidade | manicho |
| Cor dos ollos | Azul |
| Cor do pelo | Louro |
| Actividade | |
| Campo de traballo | Música, Música alternativa, Grunge, canto, guitar performance (en) , Composición musical, rock alternativo e peza musical |
| Ocupación | guitarrista, artista visual, compositor de cancións, cantante, compositor |
| Período de actividade | 1982 - 1994 |
| Membro de | |
| Xénero artístico | Grunge e rock alternativo |
| Tesitura | Tenor |
| Instrumento | Guitarra e voz |
| Obra | |
Obras destacables
| |
| Familia | |
| Cónxuxe | Courtney Love (1992–1994), morte da persoa |
| Fillos | Frances Bean Cobain |
| Pais | Donald Leland Cobain e Wendy Elizabeth Fradenburg |
Sinatura  | |
| Descrito pola fonte | Obálky knih,  |
               | |
Kurt Donald Cobain, nado o 20 de febreiro de 1967 e suicidado dun disparo na cabeza após unha sobredose de heroína o 5 de abril de 1994, na súa casa de Seattle, (Washington), foi o líder do grupo de música Nirvana.
Traxectoria
[editar | editar a fonte]Infancia
[editar | editar a fonte]Cobain, fillo de Donald e Wendy Cobain, naceu no hospital comunitario de Grays Harbor en Aberdeen, Washington, e pasou seis meses vivindo en Hoquiam, no mesmo estado, antes de que a familia se mudara a Aberdeen. O seu pai traballou como mecánico na estación Chevron de Derrell Thompson, mentres que a súa nai era camareira. Cobain empezou a estudar na escola primaria Robert Gray en 1972. Segundo varias fontes, a súa primeira infancia foi feliz, e viviu como parte dunha "típica familia estadounidense", xunto cos seus pais e a súa irmá Kimberly, nacida en abril de 1970. Dende ese tempo, Cobain empezou a amosar interese pola música.
A vida de Cobain cambiou radicalmente en 1975, cando os seus pais se divorciaron tendo el sete anos. Este feito fixo a Kurt un neno moito máis reservado. Durante un ano viviu coa súa nai e despois dese tempo mudouse a Montesano, Washington para vivir co seu pai, pero, despois duns poucos anos, o seu comportamento rebelde comezou a darlle problemas entre a familia e os amigos.
Na escola Cobain amosou pouco interese polos deportes, pero por insistencia dos seus pais formou parte do equipo de loita. Kurt estaba máis interesado nas súas clases de arte e debuxaba continuamente, especialmente detalles de anatomía humana.
Durante o seu segundo ano de instituto, Cobain comezou a vivir coa súa nai en Aberdeen. Dúas semanas antes da graduación abandonou o Aberdeen High School ao decatarse de que non tiña os créditos necesarios para graduarse. A súa nai deulle a opción de buscar un emprego ou deixar a casa, e despois dunha semana Kurt atopou as súas cousas metidas en caixas.
A finais de 1986 Cobain trasladouse a un apartamento, pagando o alugueiro traballando nun centro turístico a 20 millas ao norte de Aberdeen. Durante este período viaxou con frecuencia a Olympia, Washington para ir a concertos, e nesas visitas estableceu unha relación con Tracy Marander. Pouco despois de que Marander o deixase, Cobain comezou a saír con Tobi Vail, da banda Bikini Kill.
Nirvana
[editar | editar a fonte]Polo seu 14 aniversario o seu tío deulle a elixir entre unha guitarra e unha bicicleta como regalo, e Cobain elixiu a guitarra. Comezou aprendendo unhas poucas versións e cedo comezou a traballar nos seus propios temas. Mentres pasaba o rato no local de ensaio dos Melvins coñeceu a Krist Novoselic e de cando en vez ían tocar á parte de arriba do salón de peiteados da nai de Novoselic. Poucos anos despois Cobain tratou de convencer a Novoselic para formar unha banda con el prestándolle unha demo caseira do seu primeiro grupo, Fecal Matter. Despois de meses preguntándolle, Novoselic finalmente accedeu a unirse a Kurt, sendo este o principio de Nirvana.
Cobain estaba desencantado despois das primeiras actuacións, debido á incapacidade da banda de atraer un público considerable e a aparente dificultade de continuar. Durante os seus primeiros anos xuntos pasaron varios baterías polo grupo. Por un tempo a banda contou con Chad Channing, co cal Nirvana gravou o seu álbum Bleach, editado polo selo Sub Pop Records en 1989. Cobain, porén, non estaba satisfeito co estilo de Channing, facendo que a banda buscase un novo batería, que finalmente sería Dave Grohl. Con Grohl o grupo acadaría o seu mellor momento grazas ao seu álbum de 1991 Nevermind.
Co seu sinxelo "Smells Like Teen Spirit" Nirvana chegou ao grande público, popularizando o grunge.
O éxito de Nevermind levou a outras bandas de Seattle, como Alice in Chains, Pearl Jam e Soundgarden, a maiores audiencia, e como resultado o rock alternativo convertese nun xénero predominante na radio e na televisión musical dos Estados Unidos durante os primeiros anos dos 90. Nirvana foi considerada a banda estandarte da Xeración X, e Cobain foi coroado, moi ao seu pesar, polos medios de comunicación como o seu portavoz. A desconformidade de Cobain coa atención que lle prestaban os medios levouno a centrarse na música, crendo que a súa mensaxe e a súa visión artística fora mal interpretada polo público, desafiándoo co seu terceiro álbum de estudio, In Utero, aparecido en 1993.
Cobain loitou por reconciliar o éxito masivo de Nirvana coas súas raíces underground. Tamén se sentía perseguido polos medios e comezou a sentir resentimento pola xente que se declaraba seguidora de Nirvana pero negábase a recoñecer ou malinterpretaba os puntos de vista sociais e políticos da banda.
Véxase tamén
[editar | editar a fonte]Ligazóns externas
[editar | editar a fonte]| Control de autoridades |
|
|---|
