Ficheiro
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Un ficheiro ou arquivo informático é un conxunto de información que se almacena nalgún medio de escritura que permita ser lido ou accedido por unha computadora. Un arquivo é identificado por un nome e a descrición do cartafol ou directorio que o contén. Os arquivos informáticos chámanse así porque son os equivalentes dixitais dos arquivos en cartóns, papel ou microfichas da contorna de oficina tradicional. Os arquivos informáticos facilitan un xeito de organizar os recursos usados para almacenar permanentemente información dentro dun computador.
Contidos
[editar | editar a fonte]No que concirne ao sistema operativo, un arquivo é, na maioría dos casos, simplemente un fluxo unidimensional de bytes (números enteiros no intervalo de 0 a 255), que é tratado polo sistema operativo como unha única unidade lóxica. Un arquivo de datos informático normalmente ten un tamaño, que xeralmente se expresa en bytes; en todos os sistemas operativos modernos, o tamaño pode ser calquera número enteiro non negativo de bytes ata un máximo dependente do sistema. Depende do software que se executa na computadora o interpretar esta simplísima estrutura básica por exemplo un programa, un texto ou unha imaxe, baseándose no seu nome e contido. Os tipos especiais de arquivos, como os nodos de dispositivo que representan simbolicamente partes do hardware, non consisten nun fluxo de bytes e non teñen tamaño de arquivo.
A información dun arquivo informático normalmente consiste de paquetes máis pequenos de información (a miúdo chamados rexistros ou liñas) que son individualmente diferentes pero que comparten algún trazo en común. Por exemplo, un arquivo de nóminas pode conter información sobre todos os empregados dunha empresa e os detalles da súa nómina; cada rexistro do arquivo de nóminas refírese unicamente a un empregado, e todos os rexistros teñen a característica común de estar relacionados coas nóminas-isto é moi similar a colocar toda a información sobre nóminas nun arquivador concreto nunha oficina que non teña ningunha computadora. Un arquivo de texto pode conter liñas de texto, correspondentes a liñas impresas nunha folla de papel.
O xeito en que se agrupa a información nun arquivo depende completamente da persoa que deseñe o arquivo. Isto conduciu a unha plétora de estruturas de arquivo máis ou menos estandarizadas para todos os propósitos imaxinables, desde os máis simples aos máis complexos. A maioría dos arquivos informáticos son usados por programas de computadora. Estes programas crean, modifican e borran arquivos para o seu propio uso baixo demanda. Os programadores que crean os programas deciden que arquivos necesitan, como se van a usar, e (a miúdo) os seus nomes.
Nalgúns casos, os programas de computadora manipulan os arquivos que se fan visibles ao usuario da computadora. Por exemplo, nun programa de procesamento de texto, o usuario manipula arquivos-documentos aos que el mesmo dá nome. O contido do arquivo-documento está organizado dun xeito que o programa de procesamento de texto entende, pero o usuario elixe o nome e a localización do arquivo, e proporciona a información (como palabras e texto) que se almacenará no arquivo.
Moitas aplicacións empaquetan todos os seus arquivos de datos nun único arquivo, usando marcadores internos para discernir os diferentes tipo de información que conteñen. Os arquivos de datos usados por xogos como Doom e Quake son exemplos disto.
Os arquivos dunha computadora pódense crear, mover, modificar, aumentar, reducir e borrar. Na maioría dos casos, os programas de computadora que se executan na computadora encárganse destas operacións, pero o usuario dunha computadora tamén pode manipular os arquivos se é necesario. Por exemplo, os arquivos de Microsoft Office Word son normalmente creados e modificados polo programa Microsoft Word en resposta ás ordes do usuario, pero o usuario tamén pode mover, renomear ou borrar estes arquivos directamente usando un programa xestor de arquivos como Windows Explorer (en computadoras con sistema operativo Windows).
