Extraliga Eslovaca (hóckey sobre xeo)
  | |
| Tipo | liga deportiva |
|---|---|
| Deporte | hóckey sobre xeo |
| Organizador | Federação Eslovaca de Hóquei no Gelo (pt)  |
| Localización e Datas | |
| País | Eslovaquia |
| Vixencia | 1993 – |
| Período de ocorrencia | 1 ano |
| Outro | |
| Páxina web oficial | tipsportextraliga.sk |
A Extraliga Eslovaca (en eslovaco: Slovenská Extraliga) é a máxima competición de hóckey sobre xeo en Eslovaquia. En 2009 figuraba na clasificación da IIHF como a quinta liga máis forte de Europa, e no 2012 foi cualificada por The Hockey News como a sexta mellor liga do mundo por detrás da NHL, a KHL, a SHL, a SM-liiga e a Extraliga Checa.[1]
Estrutura da liga
[editar | editar a fonte]Actualmente a Extraliga Eslovaca está formada por 10 equipos (xa que o HK Orange 20 non xoga todos os partidos) que disputan un total de 57 partidos durante a liga regular. Ao finalizar a liga regular os oito equipos mellor clasificados xogan os play-offs polo título, nos que todas as roldas son xogadas ao mellor de sete encontros. O equipo peor clasificado xoga o play-out para manter a categoría fronte ao campión da 1. liga (a segunda categoría do hóckey sobre xeo eslovaco).
Historia
[editar | editar a fonte]A Extraliga Eslovaca ten as súas orixes na Liga Checoslovaca. A tempada 1993-94 foi a primeira tempada da competición trala separación administrativa de Checoslovaquia nas actuais repúblicas de Chequia e Eslovaquia o 1 de xaneiro de 1993.
Denominacións
[editar | editar a fonte]O nome da liga é dado polo seu patrocinador e ten sufrido numerosos trocos ao longo da súa historia:
- Dende a tempada 1993-94 ata a 1997-98: Extraliga
- Ata a tempada 2000-01: West Extraliga
- Na tempada 2001-02: Boss Extraliga
- Entre a tempada 2002-03 e a 2004-05: ST Extraliga
- Dende a tempada 2005-06 ata o 16 de xaneiro de 2007: T-Com Extraliga
- Dende o 16 de xaneiro de 2007 ata a tempada 2011-12: Slovnaft Extraliga
- Dende a tempada 2011-12: Tipsport extraliga, mentres que as series finais reciben o nome de Slovnaft-Play-Off
Equipos
[editar | editar a fonte]| Nome | Cidade | Estadio | Capacidade | Fundación | Campionatos |
|---|---|---|---|---|---|
| HC Košice |  Košice
|
Steel Aréna | 8.378 | 1962 | 6 |
| HC ’05 Banská Bystrica |  Banská Bystrica
|
Banská Bystrica Ice Stadium | 3.000 | 1922 | 0 |
| HK 36 Skalica |  Skalica
|
Skalica Ice Stadium | 3.214 | 1936 | 0 |
| HK Dukla Trenčín |  Trenčín
|
Pavol Demitra Ice Stadium | 6.150 | 1962 | 3 |
| HK Nitra |  Nitra
|
Nitra Aréna | 5.350 | 1931 | 0 |
| HK Orange 20 |  Bratislava
|
Vladimír Dzurilla Ice Stadium | 3.500 | 2007 | - |
| HK Poprad |  Poprad
|
Poprad Ice Stadium | 4.464 | 1926 | 0 |
| HKm Zvolen |  Zvolen
|
Zvolen Ice Stadium | 7.038 | 1927 | 2 |
| MHC Mountfield Martin |  Martin
|
Martin Ice Stadium | 4.200 | 1932 | 0 |
| MsHK Žilina |  Žilina
|
Garmin Arena | 6.200 | 1925 | 1 |
| ŠHK 37 Piešťany |  Piešťany
|
EASTON Aréna | 3.050 | 1937 | 0 |
- NOTA: O HK Orange 20 é un proxecto de preparación para a selección júnior de Eslovaquia de cara ao Campionato do Mundo U20 da IIHF. O equipo non xoga todos os partidos da liga regular e non xoga os play-off de permanencia nin polo título.
Palmarés
[editar | editar a fonte]Notas
[editar | editar a fonte]- ↑ "Russian league tops first CHL ranking". Arquivado dende o orixinal o 05 de xaneiro de 2010. Consultado o 20 de maio de 2013.
Ligazóns externas
[editar | editar a fonte] |
A Galipedia ten un portal sobre: Hóckey sobre xeo |