Dimitar Penev

Dimitar Penev
	;
Nome orixinal	(bg) Димитър Пенев
Biografía
Nacemento	(bg) Dimitar Dushkov Penev ; 12 de xullo de 1945 (79 anos); Mirovyane, Bulgaria (en)
Actividade
Ocupación	futbolista, adestrador de fútbol
Nacionalidade deportiva	Bulgaria
Deporte	fútbol
Posición de xogo	Defensa
1962–1964
Traxectoria
Participou en
xuño de 1996	Eurocopa de Fútbol Inglaterra 1996
1974	Mundial de Fútbol Alemaña 1974
1970	Mundial de Fútbol México 1970
xullo de 1966	Mundial de Fútbol Inglaterra 1966

Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

Dimitar Dushkov Penev (en búlgaro: Димитър Душков Пенев), nado en Mirovyane, Bulgaria, o 12 de xullo de 1945, é un exfutbolista e exadestrador búlgaro. Considerado como un dos mellores defensas búlgaros da historia, militou durante case toda a súa carreira no CSKA Sofia, co que acadou numerosos títulos. Foi 90 veces internacional coa selección de Bulgaria, coa que disputou tres Copas do Mundo (1966, 1970 e 1974).^[1]^[2] Recibiu dúas veces o premio ao futbolista búlgaro do ano, en 1967 e 1971.

Como adestrador dirixiu en varias ocasións o CSKA Sofia, gañando 12 títulos, e tamén en varias etapas á selección búlgara, coa que alcanzou as semifinais do Mundial de 1994.

É tío do exfutbolista e adestrador Lyuboslav Penev.

Traxectoria

Debutou como futbolista no Lokomotiv Sofia, onde militou durante dúas tempadas entre 1962 e 1964, gañando na última delas a liga búlgara. A continuación fichou polo CSKA Sofia, club no que militou durante o resto da súa carreira, ata 1977, acumulando 411 partidos e 30 goles. Gañou sete títulos de liga e cinco Copas de Bulgaria co club durante ese período, no que ademais alcanzou as semifinais da Copa de Europa na edición de 1966/67, caendo contra o Inter de Milán de Helenio Herrera.^[3] Foi elixido Futbolista Búlgaro do Ano en 1967 e 1971.

Tras colgar as botas comezou a súa carreira como técnico no Dimitrovgrad. En 1985 comezou un período de cinco anos á fronte do CSKA Sofia, no que gañou tres ligas, tres Copas de Bulgaria e tres Copas do Exército Soviético, ademais da primeira edición da Supecopa de Bulgaria. Os seus logros co club valéronlle o nomeamento como adestrador da selección de Bulgaria, cargo que ocupou brevemente en 1989 e máis tarde dende 1991 ata 1996, clasificando o equipo para a Mundial de 1994. O equipo búlgaro realizou o mellor Mundial da súa historia, alcanzando as semifinais, onde foi eliminado pola Italia de Arrigo Sacchi.

Posteriormente pasou polos bancos do Al Nassr de Arabia Saudita, o Spartak Varna, de novo o CSKA e o Liaoning chinés. En 2007 foi nomeado seleccionador de Bulgaria por segunda vez. O seu balance total como seleccionador búlgaro foi de 55 partidos, con 25 vitorias, 15 empates e 15 derrotas.^[4] Máis tarde adestrou durante dúas etapas máis o CSKA, ata 2012.^[5]

Como adestrador destacou pola súa confianza nos futbolistas novos, facendo debutar nos seus equipos a numerosos talentos, entre eles Hristo Stoichkov, Emil Kostadinov, Lyuboslav Penev, Martin Petrov, Stiliyan Petrov ou Dimitar Berbatov.

É presidente de honra do CSKA Sofia e do modesto Nottingham United FC.^[6]

Palmarés

Como futbolista

Lokomotiv Sofia

Liga búlgara (1): 1963/64.

CSKA Sofia

Liga búlgara (7): 1965/66, 1968/69, 1970/71, 1971/72, 1972/73, 1974/75, 1975/76.
Copa de Bulgaria (5): 1964/65, 1968/69, 1971/72, 1972/73, 1973/74.

Individual

Futbolista Búlgaro do Ano (2): 1967, 1971.

Como adestrador

CSKA Sofia

Liga búlgara (3): 1986/87, 1988/89, 1989/90.
Copa de Bulgaria (4): 1986/87, 1987/88, 1988/89, 1998/99.
Copa do Exército Soviético (3): 1985/86, 1988/89, 1989/90.
Supercopa de Bulgaria (2): 1989, 2008.

Notas

↑ "Dimitar Penev - International Appearances". rsssf.com (en inglés). Consultado o 1 de abril de 2022.
↑ "Dimitar PENEV". FIFA (en inglés). Arquivado dende o orixinal o 2 de xullo de 2012. Consultado o 1 de abril de 2022.
↑ "Inter 1 - 0 CSKA Sofia". besoccer.com (en castelán). Consultado o 1 de abril de 2022.
↑ "Това е Димитър Пенев" (en búlgaro). 15 de abril de 2007. Consultado o 1 de abril de 2022.
↑ "за главен мениджър" (en búlgaro). 6 de marzo de 2009. Arquivado dende o orixinal o 13 de marzo de 2009. Consultado o 1 de abril de 2022.
↑ "Penev Becomes Nottingham United President!" (en inglés). Novembro de 2010. Arquivado dende o orixinal o 13 de novembro de 2010. Consultado o 1 de abril de 2022.

Véxase tamén

Ligazóns externas

Datos do xogador no sitio web do CSKA Sofia (en inglés).
Datos do xogador en Transfermarkt (en inglés).
Datos do adestrador en Transfermarkt (en inglés).

[1] "Dimitar Penev - International Appearances". rsssf.com (en inglés). Consultado o 1 de abril de 2022.

[2] "Dimitar PENEV". FIFA (en inglés). Arquivado dende o orixinal o 2 de xullo de 2012. Consultado o 1 de abril de 2022.

[3] "Inter 1 - 0 CSKA Sofia". besoccer.com (en castelán). Consultado o 1 de abril de 2022.

[4] "Това е Димитър Пенев" (en búlgaro). 15 de abril de 2007. Consultado o 1 de abril de 2022.

[5] "за главен мениджър" (en búlgaro). 6 de marzo de 2009. Arquivado dende o orixinal o 13 de marzo de 2009. Consultado o 1 de abril de 2022.

[6] "Penev Becomes Nottingham United President!" (en inglés). Novembro de 2010. Arquivado dende o orixinal o 13 de novembro de 2010. Consultado o 1 de abril de 2022.

[1]

[2]

[3]

[4]

[5]

[6]