Bell YOH-4
| Bell YOH-4 | |
|---|---|
 | |
| Tipo | helicóptero de observación/exploración |
| Fabricante | Bell Helicopter |
| Primeiro voo | 8 de decembro de 1962[1] |
| Unidades construídas | 5[2] |
| Variantes | Bell 206A JetRanger |
O Bell YOH-4 (orixinalmente YHO-4) foi un helicóptero lixeiro monomotor desenvolvido para o programa Light Observation Helicopter (LOH) do Exército dos Estados Unidos. A pesar de que o YOH-4A non tivo éxito na competición orixinal do LOH, Bell redeseñouno como o Bell 206A JetRanger de liñas limpas para o mercado comercial, conseguindo un éxito instantáneo e duradeiro. En 1967 o Exército volveu a abrir a competición LOH, e o OH-58 Kiowa, baseado no 206A, foi escollido.
Desenvolvemento
[editar | editar a fonte]O 14 de outubro de 1960 a Armada dos Estados Unidos solicitou respostas a 25 fabricantes aeronáuticos a unha solicitude de propostas no nome do Exército para un Helicóptero de Observación Lixeiro (LOH). Bell entrou na competición xunto con outros 12 fabricantes, incluídos Hiller Aircraft e Hughes Tool Co., Aircraft Division. En xaneiro de 1961 Bell presentou o deseño 250 (D-250), que finalmente sería designado como o YHO-4. O 19 de maio de 1961, Bell e Hiller foron anunciados como gañadores da competición de deseño.[3]
Bell fabricou cinco prototipos do D-250, como Model 206, en 1962, facendo o primeiro prototipo o seu voo de estrea o 8 de decembro dese ano. Ao pouco tempo todas as aeronaves comezaron a designarse segundo un novo sistema, polo que o prototipo pasou a ser chamado YOH-4A. O YOH-4A tamén era coñecido co nome Ugly Duckling (O parrulo feo) en comparación cos seus competidores.[4] Tras probar os prototipos de Bell, Hughes e Fairchild-Hiller, o Hughes OH-6 foi seleccionado en maio de 1965.[5]
Despois do errado contrato militar, Bell intentou comercializar o Model 206, pero non lle foi ben comercialmente. A investigación de mercado de Bell amosou que os clientes pensaban que o deseño era desagradable. Bell finalmente redeseñaría o corpo do aparello para ter un deseño máis atractivo e estético e o reintroduciu como o Bell 206A JetRanger.
Notas
[editar | editar a fonte]- ↑ "Bell 206 JetRanger". 1000aircraftphotos. Arquivado dende o orixinal o 17 de novembro de 2018. Consultado o 24 de outubro de 2018.
- ↑ Harding, Stephen (1997). U.S. Army Aircraft Since 1947. Atglen: Schiffer Publishing Ltd. pp. 42. ISBN 978-0-933424-53-1.
- ↑ "Wayback Machine" (PDF). 2008-09-10. Archived from the original on 10 de setembro de 2008. Consultado o 2018-11-17.
- ↑ "Wayback Machine" (PDF). 2008-09-10. Archived from the original on 10 de setembro de 2008. Consultado o 2018-11-17.
- ↑ Spenser 1998, p. 263
Bibliografía
[editar | editar a fonte]- Spenser, Jay P. "Bell Helicopter". Whirlybirds, A History of the U.S. Helicopter Pioneers. University of Washington Press, 1998. ISBN 0-295-98058-3.