Angkor

Angkor
Tipo	xacemento arqueolóxico
Parte de	Angkor
Localización
División administrativa	Provincia de Siem Reap, Camboxa
	13°26′00″N 103°50′00″L / 13.433333333333, 103.83333333333
Composto por	54
Características
Superficie	Patrimonio da Humanidade: 35.100 ha
Parte dun sitio do Patrimonio da Humanidade
Tipo	Patrimonio cultural
Data	1992 (16ª Sesión), Criterios de Patrimonio da Humanidade: (i), (ii), (iii) e (iv)
En perigo	1992 - 2004
Identificador	668-001
Historia
Cronoloxía
1992-2004	lista do Patrimonio Mundial en Perigo
1431	asedio de Angkor
Páxina web	angkorenterprise.gov.kh

Angkor é un nome asociado á rexión de Camboxa na que se asentou o Imperio Khmer, que tivo o seu apoxeo entre os séculos IX e XV da nosa era. O período de Angkor pode definirse coma o período dende 802, cando o monarca Khmer hinduísta Jayavarman II se autodeclarou "monarca universal" e "rei divino" de Camboxa, ata 1431, cando os invasores tailandeses saquearon a capital Khmer, provocando que a súa poboación tivese que migrar á área meridional de Phnom Penh.

As ruínas de Angkor localízanse entre fragas e terras de labranza ao norte do Gran Lago (Tonle Sap) e o sur das Montañas Kulen, preto da actual Siem Reap. Foron declaradas Patrimonio da Humanidade pola UNESCO.^[1] Os templos da área correspondente a Angkor superan o centenar, abarcando dende ruínas pouco definidas esparexidas nos campos de arroz ata a magnífica Angkor Wat, da que din é o monumento relixioso individual máis grande do mundo. Moitos dos templos de Angkor foron restaurados, e no seu conxunto constitúen as obras máis significativas da arquitectura Khmer. Son visitados anualmente por preto de dous millóns de persoas.

A área componse de varias localizacións arqueolóxicas de grande importancia:

Angkor Thom.
- Bayon.
- Socalco dos Elefantes.
Angkor Wat.
Baksei Chamkrong.
Banteay Kdei.
Banteay Samre.
Banteay Srei.
Baphuon.
Chau Say Tevoda.
Krol Ko.
Neak Pean.
Phimeanakas.
Phnom Bakheng.
Phnom Krom.
Preah Khan.
Preah Ko.
Preah Rup.
Spean Thma.
Ta Som.
Ta Keo.
Thommanon.

En 2007 un equipo internacional de investigadores concluíu, mediante fotografías tomadas por satélite e outras técnicas modernas, que Angkor foi a meirande cidade preindustrial do mundo cunha expansión urbana de máis de 3.000 km². A segunda desta lista, a cidade maia de Tikal (Guatemala) tiña entre 100 e 150 km².

Angkor participou na elección das Novas sete marabillas do mundo como unha das 21 finalistas, aínda que finalmente non foi elixida.