Anchorage

Anchorage
	Dgheyay Kaq' / Dgheyaytnu (mis)
	Bandeira
Lema	«Big Wild Life»
Alcume	The City of Lights and Flowers
Epónimo	Ancoradouro (pt)
Localización
	61°13′00″N 149°53′37″O / 61.2167, -149.8936
Estado	Estados Unidos de América
Estado federado	Alasca
Borough	Anchorage Municipality (en)
Capital de	Alasca
Capital	sen valor
Poboación
Poboación	291.247 (2020) (57,84 hab./km²)
Número de fogares	118.640 (2020)
Xeografía
Situado na entidade territorial estatística	Anchorage metropolitan area (en) (Poboación:398.328)
Parte de	Centro-Sul do Alasca (pt) ; organized borough (en)
Superficie	5.035,063041 km²
Auga	12,2 %
Altitude	31 m
Comparte fronteira con	Matanuska-Susitna (pt) ; Chugach Census Area (en) ; Distrito da Peninsula do Kenai (pt)
Creación	1914
Organización política
• Mayor of Anchorage, Alaska (en)	Suzanne LaFrance (pt) (2024–)
Identificador descritivo
Código postal	99501–99524, 99530, 99501, 99504, 99509, 99512, 99516, 99520 e 99523
Fuso horario	UTC−9 (pt) , horario estándar; UTC−08:00, horario de verán
Prefixo telefónico	907
Código de departamento INSEE	02020
Identificador GNIS	1398242
Outro
Irmandado con	Chitose ; Tromsø ; Whitby (pt) ; Magadan ; Darwin ; Incheon ; Harbin
Páxina web	muni.org

Anchorage é unha cidade estadounidense, capital do estado de Alasca. En 2012 tiña 298 610 habitantes^[1] (380 821 residentes incluíndo os arrabaldes),^[2], o que a converte na cidade máis poboada de Alasca.

Anchorage está situada no centro sur de Alasca, situada nunha península triangular, limitada ao leste polos Montes Chugach. Conta con aeroporto internacional e porto marítimo. A economía baséase nas actividades públicas e militares, no petróleo e no turismo.

Historia

A diferenza de todas as outras grandes cidades do sur de Alasca, en Anchorage a pesca ou a minaría non foron as razóns polas que se empezou a asentar xente no lugar. Comezou a medrar ao ser, no 1914, empregada como porto para a construción do ferrocarril Alaska Railroad, que se construíu entre 1915 e 1923. Logo se estableceu un campamento importante. A economía nos seus anos vinte baseábase no ferrocarril. Entre os trinta e os cincuenta, a cidade experimentou un crecemento masivo debido aos militares e ao transporte aéreo. O aeroporto de Merrill Field abriu en 1930, e o aeroporto internacional de Anchorage fíxoo en 1951. As instalacións militares de Elmendorf Air Force Base e Fort Richardson foron construídas nos anos corenta.

O terremoto de Alasca do 27 de marzo de 1964 (Fourth Avenue)

O terremoto do Venres Santo provocou moitos danos o 27 de marzo de 1964 cunha magnitude de momento de 9,2. Matou 114 habitantes de Alasca e causou numerosos danos materiais. Reconstruiríase na segunda metade dos sesenta a cidade.

En 1968 descubriuse petróleo na baía Prudhoe, que incrementou máis a súa poboación. Despois, en 1975, crearíase o municipio de Anchorage, a partir da City de Anchorage e da Anchorage Area Borough (que incluía Eagle River, Girdwood, Glen Alps, ...).

Xeografía

Anchorage está situada na parte central do estado a 61º de latitude norte, mesma latitude que as cidades de Estocolmo e San Petersburgo.

A cidade áchase sobre unha península triangular, rodeada polos Montes Chugach.

Clima

Durante o verán a temperatura diúrna é bastante agradable, entre 13 e 21 °C, mentres que no inverno, a temperatura media descende a –7 e até –15 °C e a cidade reloce unha grosa capa de neve.

Mes	Xan	Feb	Mar	Abr	Mai	Xuñ	Xul	Ago	Set	Out	Nov	Dec
Temperatura máxima media (°C)	-5,9	-3,4	0,6	6,0	12,4	16,4	18,4	17,2	12,9	4,7	-2,7	-5,3
Temperatura mínima media (°C)	-13,1	-11,4	-7,7	-1,9	3,8	8,4	10,9	9,7	5,3	-1,8	-9,4	-12,2
Precipitacións (mm)	20,1	19,8	17,5	17,0	18,5	29,0	43,4	62,0	68,6	51,6	28,2	28,4
Fonte: [1] Arquivado 13 de outubro de 2009 en Wayback Machine.

Economía

Anchorage é un porto que recibe máis do 95 % de todo o transporte de mercadorías de Alasca. As maiores industrias inclúen o petróleo e o turismo. Hai dúas bases militares americanas facendo fronteira con Anchorage polo norte: a Base Aérea de Elmendorf e o Forte Richardson. Case todos os turistas que van ao Interior do Alasca pasan por Anchorage sendo frecuento velos no verán pola cidade.