Constitución española de 1876
A Constitución española de 1876 (cuxa denominación oficial foi: Constitución da Monarquía Española) foi promulgada por Cánovas del Castillo o 30 de xuño de 1876,[1] logo da restauración borbónica. Foi unha constitución que supuña unha mestura entre a constitución moderada de 1845 e a progresista de 1869.[2] Tivo unha vixencia moi prolongada, ata 1931, aínda que permaneceu suspendida durante a ditadura de Primo de Rivera, que pretendeu, sen conseguilo, elaborar outra. En 1931, sería substituída pola Constitución de 1931[3] que abría a Segunda República.
Entre os principais principios, recoñecía:
- Soberanía conxunta de El-Rei e das Cortes Xerais.[4]
- Monarquía constitucional con importantes atribucións á Coroa.[5]
- O poder executivo recae en El-Rei, que nomea ao xefe de gobrerno e aos ministros.
- O poder lexislativo é compartido entre as Cortes e El-Rei,[6] aínda que este ten dereito de veto e pode disolve-las Cámaras.[7]
- As Cortes son bicamerais:[8] estaban compostas por un Senado, formado por designación real, e un Congreso, elixido por sufraxio.
- O poder xudicial, aplica as leis nos xuízos e os xuíces eran elixidos por oposición.
- Estado moi centralizado: concellos e deputacións provinciais estaban baixo control gobernamental.[9]
- As liberdades políticas dos cidadáns eran recoñecidas, pero foron restrinxidas polas leis ordinarias.
- Proclamábase a confesionalidade católica do Estado, aínda que se permitía o culto privado das outras relixións.[10]
- Non se define respecto do tipo de sufraxio, nin sobre o tipo de sistema electoral. En 1890, durante o goberno de Sagasta, o sufraxio convértese en universal masculino.
Notas
[editar | editar a fonte]Véxase tamén
[editar | editar a fonte] |
A Galifontes posúe textos orixinais acerca de: Constitución española de 1876 |
Bibliografía
[editar | editar a fonte]- Gallego, José Andrés (1988). España en el siglo XX (1900-1978). Madrid: Anaya. ISBN 9788420732282.
- Palomero Caro, Rafael; Pérez Rodríguez, José María (2006). Histocard 2. Historia contemporánea de Cataluña y de España. Col. Minimanual Nº 14. Madrid: Almadraba Editorial. ISBN 84-9804-211-9.
- Roca Agapito, Luis (2005). La repercusión de la aprobación de la Constitución Española de 1978 en el ámbito del Derecho Penal. En Homenaje a la Constitución Española: XXV aniversario. Oviedo: Universidad de Oviedo. ISBN 84-8317-473-1.
- Seco Serrano, Carlos (2006). "De la democracia innovadora de 1869 a la síntesis integradora de 1876". En Anes, Gonzalo. Veinticinco años de la Constitución Española. Madrid: Real Academia de la Historia. pp. 205–220. ISBN 84-95983-74-5.
