Constanza

Constanza
	Große Kreisstadt Konstanz (de)
Localización
	47°39′48″N 9°10′31″L / 47.6633, 9.1753
Estado	Alemaña
Estado federado	Baden-Württemberg
Rexión administrativa	Rexión de Friburgo - Regierungsbezirk Freiburg
Distrito rural	Konstanz (pt)
Vereinbarte Verwaltungsgemeinschaft	Konstanz VVG (en)
Capital de	Konstanz (pt)
Contén a división administrativa	Allmannsdorf ; Litzelstetten (pt) ; Paradies ; Petershausen ; Staad (en) ; Wollmatingen (en)
Poboación
Poboación	85.859 (2022) (1.586,75 hab./km²)
Lingua oficial	lingua alemá
Xeografía
Superficie	54,11 km²
Bañado por	Lago Constanza e Río Rin
Altitude	402 m
Comparte fronteira con	Allensbach ; Reichenau ; Kreuzlingen
Organización política
• Xefe do goberno	Ulrich Burchardt (pt) (2012–)
Órgano lexislativo	city council of Constance (en) ,
Membro de	International Lake Constance conference (en) ; Alcaldes pola Paz (1986–); Aliança Climática (pt) (2000–); Kommunale Informationsverarbeitung Baden-Franken (en) (–2018); Zweckverband 4IT (en) (2018–)
Identificador descritivo
Código postal	78462–78467
Fuso horario	UTC+01:00, horario estándar; UTC+02:00, horario de verán
Prefixo telefónico	7533 e 7531
Clave de rexión en Alemaña	083355004043
Número de municipio alemán	08335043
Outro
Irmandado con	Suzhou ; Tábor (pt) ; Lodi ; Fontainebleau (1960–); Richmond upon Thames (pt) (1983–)
Páxina web	konstanz.de

Para outras páxinas con títulos homónimos véxase: Constanza (homónimos).

Constanza^[1] (en alemán: Konstanz) é unha cidade universitaria de máis de 82.000 habitantes. Está situada na beira oeste do Lago Constanza no recuncho suroeste de Alemaña, no Estado de Baden-Württemberg. Fai fronteira ademais con Suíza.

Localización

Constanza está situada no Lago Constanza (en alemán Bodensee). O río Rin, que nace nos Alpes Suízos, pasa a través do logo Constanza e ao abandonalo, considerabelmente maior, flúe baixo unha ponte que conecta as dúas partes da cidade.

Ao norte do río atópase a maior parte da cidade, con áreas residenciais, industriais e a Universidade de Constanza; mentres que na parte sur está o casco antigo e o centro administrativo e comercial, ademais das instalación da Hochschule ou Universidade de Ciencias Aplicadas. Transbordadores de automóbiles cruzan o lago e dan acceso a Meersburg, e un Catamarán proporciona servizo a peóns cara Friedrichshafen. Ao sur, ás beiras da cidade vella, atópase a cidade suíza Kreuzlingen.

Subdivisións

Constanza está dividida en quince distritos:

Altstadt
Paradies
Petershausen-West
Allmansdorf
Egg

Fürstenberg
Industriegebiet
Königsbau
Petershausen-Ost
Staad

Wollmatingen
Dingelsdorf
Litzelstetten
Dettingen
Wallhausen

Historia

De 1414 a 1418 celebrouse nesta cidade o Concilio de Constanza, que deu fin ao Cisma de Occidente.

A comezos do século XIX e como consecuencia das guerras Napoleónicas, o territorio que comprende esta cidade pasou a formar parte da Confederación do Rin e tralo congreso de Viena adheriuse á Confederación Xermánica.

Economía

O encanto de Constanza, que foi unha das poucas cidades do país que non foi destruída durante a segunda guerra mundial, atrae a visitantes de todo o estado e en particular de Stuttgart. Ademais Constanza constitúe unha das principais pontes para os intercambios comerciais entre Suíza e a Unión Europea.

Transporte

Constanza está servida polas principais vías de ferrocarril cara ao oeste até Singen con conexión con tódalas partes de Alemaña, e cara ao sur a Suíza, conectando coas principais rutas en Weinfelden. Os servizos son proporcionados pola Deutsche Bahn e pola compañía suíza Thurbo e a súa filial alemá. O aeroporto máis próximo está en Friedrichshafen, ao que se pode chegar rapidamente grazas a un servizo de transbordador que cruza o lago, o cal conecta a cidade con outras vilas na beira do mesmo. O aeroporto opera fundamentalmente con voos domésticos, mais conta cunha liña co aeroporto londiniense de Stansted. Os aeroportos internacionais máis próximos son o de Stuttgart, Basilea e Zürich, o cal ten un tren directo con Constanza. Os servizos de autobuses urbanos son proporcionados por SüdbadenBus GmbH.

Ademais Constanza e Friedrichshafen están conectadas por dous (en pronto por tres) catamaráns dende 2005 Constance e Fridolin.

Notas

↑ Por exemplo en Martínez Pereiro, Xosé Luís (1999). Laiovento, ed. As irmás bastardas da ciencia. Antoloxía de sedes clandestinas. Santiago de Compostela. pp. 144, 148.

Véxase tamén

Ligazóns externas

Sitio Web Oficial Arquivado 07 de setembro de 2014 en Wayback Machine. (en alemán)
Konstanz: Historia e imaxes (en alemán)
Universidade de Constanza (en inglés)
Universidade de Ciencias Aplicadas (en inglés)
Fotografías de Constanza (en inglés)
Páxina de fotografías de Constanza
Fotos do Entroido de Constanza Arquivado 20 de xullo de 2014 en Wayback Machine.
Comunidade de Internet de Constanza
O Suedkurier, xornal de Constanza

[1] Por exemplo en Martínez Pereiro, Xosé Luís (1999). Laiovento, ed. As irmás bastardas da ciencia. Antoloxía de sedes clandestinas. Santiago de Compostela. pp. 144, 148.

[1]