Concursante

Concursante
Ficha técnica
Título orixinal	Concursante
Director	Rodrigo Cortés
Intérpretes	Leonardo Sbaraglia, Chete Lera, Miryam Gallego, Fernando Cayo, Myriam de Maeztu, Luis Zahera, Patricia Arizmendi, Guillermo Barrientos, Nadia Casado, Ángel González Quesada, Amaia Lizarralde, Juan Jesús Valverde
Estrea	2007
Orixe	Galicia
Na rede

Concursante é unha produción galega estreada en 2007 e rodada o ano anterior. Está dirixida e protagonizada polos ourensáns Rodrigo Cortés e Miryam Gallego respectivamente.

Sinopse

Esta película conta a historia dun profesor universitario, Martín (Leonardo Sbaraglia), que se converte no gañador do galardón máis cuantioso da historia da televisión: un total de tres millóns de euros traducidos en todo tipo de premios. A moza de Martín, Laura (Miryam Gallego) verá nisto unha oportunidade de ouro para cambiar a súa vida e cumprir os seus desexos inmediatos sen pensar nas consecuencias que pode ter a longo prazo.

O que semellaba ser un golpe de sorte e un soño feito realidade pasa a ser un auténtico pesadelo: Facenda queda coa metade dos cartos e ser rico resulta máis caro do que imaxinaba. O protagonista intentará desfacerse de todo o obtido e contará coa axuda dun economista chamado Edmundo (Chete Lera).

Premios e nomeamentos

Premios Mestre Mateo

Ano	Categoría	Persoa/s	Resultado
2007	Mellor longametraxe		Nomeada
	Mellor dirección	Rodrigo Cortés	Nomeado
	Mellor interpretación masculina protagonista	Leonardo Sbaraglia	Nomeado
	Mellor interpretación masculina secundaria	Chete Lera	Nomeado
		Luis Zahera	Gañador
	Mellor guión	Rodrigo Cortés	Nomeado
	Mellor montaxe	Guillermo Represa e Rodrigo Cortés	Gañadores
	Mellor son	Sergio Burman, Charlie Schmucler e Fran Gude	Nomeados

Ligazóns externas

• Páxina oficial