Coyoacán

Coyoacán

Localización
19°21′00″N 99°09′44″O
Estado	México
Entidade federativa	Cidade de México
Poboación
Poboación	614.447 (2020) (11.294,98 hab./km²)
Xeografía
Superficie	54,4 km²
Altitude	2.256 m-2.253 m
Creación	1928
Identificador descritivo
Código postal	04000–04980
Fuso horario	UTC−07:00
Outro
Irmandado con	Condado de Arlington Saltillo
Páxina web	coyoacan.cdmx.gob.mx

Xardín Hidalgo.

Coyoacán é unha das 16 delegacións da Cidade de México e atópase no centro xeográfico deste. O seu territorio abrangue máis de 54 quilómetros cadrados, e está localizado sobre a chaira do val de México. A parte máis alta corresponde ó cerro Zacatépetl, no suroeste da delegación, onde tamén se atopa a zona de Los Pedregales. Todo o territorio coyoacanense está urbanizado. Dentro del atópanse importantes zonas verdes como a Cidade Universitaria e os viveiros de Coyoacán.

Na época precolombiana, unha parte do territorio coyoacanense estaba baixo o lago de Texcoco e Xochimilco. Durante o Preclásico Medio desenvolvéronse na zona algunhas aldeas agrícolas, entre as que destaca Copilco polos testemuños dos costumes funerarios da época.

No momento da chegada dos españois, Coyoacán formaba parte da esfera de influencia de Tenochtitlán. Despois da Conquista, estableceuse alí o primeiro concello e sede do goberno do Vicerreinado de Nova España.