rodo

Galego

• Pronuncia: [ˈro.ðʊ] (AFI)

Substantivo masculino

rodo (sg: rodo; pl: rodos)

1. Ferramenta agrícola para xuntar o grao trala malla, semellante a un angazo pero formado por unha táboa semicircular ou semilunar cun longo mango.
   • Sinónimos: trollo.
2. Pau longo rematado nunha pa que se utiliza para remexer ou retirar as brasas do forno, mover e sacar os pans etc.
   • Sinónimos: zoscadoiro.
3. Pau longo para remexer a sardiña no pío do salgadoiro.
4. Especie de legón de pa larga e recta, usado para traballar nos prados ou romper os terróns ó labrar.
5. Especie de legón pequeno que usan os albaneis para remexer a masa.
6. Cilindro pesado, de pedra ou cemento, para achandar a terra.
7. Reforzo interior na parte inferior da saia ou do vestido.
   • Exemplo: O meu refaixiño novo/ lévam'o rodo acabado./ As malas lenguas d'o mundo/ xa lle ten outro botado.
     
     
8. Rodela de tea, herba ou palla que poñen as mulleres na cabeza cando levan unha carga pesada.
   • Sinónimos: rodela.
9. Parte central e prominente dun palleiro.
10. Ferramenta de madeira para golpear os ourizos e soltar así as castañas.
11. Viga nos hórreos que tiñan o teito de palla.
12. Alfombra ou esteira para o chan das habitacións.
    • Sinónimos: alfombra, esteira.
13. Moño en forma de rosca que se fan as mulleres na caluga.
14. Pau longo rematado nunha roda de madeira para calcar as uvas no lagar cando fermentan.
    • Sinónimos: galla.
15. Cubo de pedra do lagar, que fai de peso e obriga á viga a presionar as uvas.
16. Canizo para achandar a terra antes de sementar, feito de ramas trenzadas.
    • Sinónimos: canizo.
17. Corte de herba que se fai coa gadaña, en redondo.
18. Pedra colocada transversalmente sobre as cepas dun hórreo.
    • Observacións: Cf. tornarratos.
19. Rodaballo pequeno.

Traducións

• Castelán: (1) rastrillo ^(es), (2) rasero ^(es), (6) rodillo ^(es), (7) ruedo ^(es), (12) ruedo ^(es)