Bizkaia (provincia)

Bizkaia Bratach na Roinne Gearradh-arm no Seula
Suidheachadh
Dùthaich	An Spàinn
Prìomh-bhaile	Bilbao
Stèidhichte	1833
Feartan fiosaigeach
Farsaingeachd	2,217 km²
Àireamh-shluaigh	1,155,772 (2014)
Dlùths	521.32/km²
Àireamh fòn	+ (94)
Duilleag oifigeil	Riaghaltas na Roinne

'S e provincia na Spàinne a tha ann am Bizkaia (Spàinntis: Vizcaya). Tha e na laighe ann an Dùthaich nam Basgach, ann an ceann a tuath na dùthcha. 'S e Bilbao a tha na phrìomh-bhaile. Chaidh an roinn a chruthachadh ann an 1833 le Javier de Burgos, a bha na Rùnaire na Stàite agus Leasachaidh aig an àm. B' e an siostam-riaghalaidh iondail na Frainge a chleachd e mar mhodal. Chuireadh a-steach Coimhearsnachd fèin-riaghlaidh Euskadi i ann an 1978, nuair a sgrìobhadh Bun-reachd ùr. Sìnidh Bizkaia fad 2,217km² agus tha 1,155,772 duine a' fuireach ann. Le sin, 's e an dàrna roinn as lugha na Spàinne a thaobh talmhainn agus an 9mh as motha a thaobh àireimh-sluaigh. Tha crìochain aice le Araba, Burgos, Cantàbria agus Gipuzkoa. 'S e Basgais agus Spàinntis a tha gam bruidhinn an seo.

Freumhan an ainm

Tha luchd-rannsachaidh dhen bheachd gur ann à bizkar (Gàidhlig: druim) ann am Basgais a tha an t-ainm. A dh'aindeoin sin, tha teòiridh eile ann a chanas gur ann à faclan eile ann am Basgais mar bits-kaia (Gàidhlig: port an ròid) no bizi-kaia (Gàidhlig: port beò), ged nach eil ach glè bheag de dhaoine a' gabhail ri sin.

Cruinn-eòlas

Tha iadhtag ann, a bhuineas do Bhizkaia, air an àirde an iar-dheas na roinne eadar Araba agus Burgos. 'S e Urduña an t-ainm a tha air. Tha e na àite fa leth air sàilleabh gu bheil sliabh ann eadar an iadhtag sin agus an còrr dhen roinn. Tha 4,186 a' fuireach ann.

Bailtean

• Gallarta