Alice Walker

Alice Walker

Beathaisnéis
Breith	(en) Alice Malsenior Walker 9 Feabhra 1944 80 bliana d'aois Eatonton, Georgia
Faisnéis phearsanta
Grúpa eitneach	Meiriceánaigh Afracacha
Scoil a d'fhreastail sé/sí	Coláiste Spelman (1961–) Coláiste Sarah Lawrence - Baitsiléir Ealaíon (–1965) Russell Sage College (en) - céim dochtúireachta
Teanga dhúchais	Béarla
Gníomhaíocht
Réimse oibre	Filíocht agus aiste
Gairm	scríbhneoir, scríbhneoir litríocht pháistí, gearrscéalaí, scríbhneoir scripte, aisteoir, léiritheoir scannáin, oideoir, múinteoir ollscoile, file, gníomhaí ar son cearta sibhialta, úrscéalaí, scríbhneoir aistí, gníomhaí aeráide
Fostóir	Coláiste Wellesley
Ball de	Alfa Capa Alfa (ball oinigh) Acadamh Ealaíona agus Eolaíochtaí Mheiriceá
Teangacha	Béarla
Saothar
Saothar suntasach (1970) The Third Life of Grange Copeland (1976) Meridian (1982) The Color Purple (1989) The Temple of My Familiar (1992) Possessing the Secret of Joy
Suíomh a chartlainne	Leabharlann Lámhscríbhinní, Cartlainne, agus Leabhar Uathúil Stuart A. Rose
Teaghlach
Céile	Melvyn R. Leventhal (1967–1976), colscaradh
Páirtí	Robert L. Allen
Páiste	Rebecca Walker  ( Melvyn R. Leventhal)
Duine muinteartha	Reggie Watts (col ceathar)
Gradam a fuarthas (2016)  Gradam Litríochta Carl Sandburg (2010)  LennonOno Grant for Peace (en) (2006)  California Hall of Fame (en) (1997)  Daonnachaí na Bliana (1995)  honorary degree from Spelman College (en) (1986)  Gradam O. Henry (1984)  Lillian Smith Book Award (en) , as a saothar In Search of Our Mothers' Gardens (1983)  Pulitzer Prize for Fiction (en) , as a saothar The Color Purple (1983)  National Book Award, as a saothar The Color Purple (1982)  Gradam Candace (1977)  Comhaltacht Guggenheim (1973)  Lillian Smith Book Award (en)
Veu de Alice Walker (Béarla)
Suíomh gréasáin	alicewalkersgarden.com

Scríbhneoir Meiriceánach is ea Alice Malsenior Walker a rugadh ar 9 Feabhra 1944). Scríobhann sí úrscéalta, gearrscéalta agus filíocht. Cuireadh fáilte faoi leith roimh a húrscéal The Color Purple (1982), agus bronnadh an National Book Award agus an Pulitzer Prize for Fiction uirthi. Scríobh sí Meridian agus The Third Life of Grange Copeland, úrscéalta, freisin, i measc saothar eile léi.

A luathshaol

Rugadh Alice Walker i gContae Putnam, Georgia,ar 9 Feabhra 1944. Feirmeoir beag a bhí ina hathair. D'oibrigh a máthair 11 uair sa lá ar son $17 sa tseachtain mar shearbhónta chun íoc as a cuid ollscolaíochta. Chuaigh sí go Spelman College in Atlanta, Georgia, ar dtús, ansin go Sarah Lawrence College, mar ar bhain sí céim bhaitsiléara amach sa bhliain 1965.

Saothair Walker

Sa bhliain 1982, foilsíodh an leabhar uaithi is fearr eolas air, The Color Purple. San úrscéal leanann an léitheoir bean óg ghorm bhuartha agus í ag streachailt chun a bealaigh a dhéanamh ní hamháin trí chultúr ciníoch na ndaoine geala ach trí chultúr patrarcach an phobail ghoirm chomh maith. Leabhar móréilimh a bhí ann agus sa bhliain 1985 cuireadh é in oiriúint mar scannán faoi stiúradh Steven Spielberg le hOprah Winfrey agus Whoopi Goldberg in dhá phríomhról. Cuireadh ar an stáitse Broadway mar léiriúchán ceolmhar sa bhliain 2005. Léiríodh é 910 uair.

A saol pearsanta

Sa bhliain 1965, casadh ar Walker dlíodóir Giúdach cearta sibhialta darbh ainm Melvyn Rosenman Leventhal. Phós siad ar 17 Márta 1967, i gCathair Nua-Eabhrac. Chuir siad fúthu ní ba dhéanaí sa bhliain chéanna in Jackson, Mississippi, an chéad chúpla idirchiníoch dar phós go dleathach in Mississippi. Chráigh agus bhagair daoine geala iad, an Ku Klux Klan san áireamh. Saolaíodh iníon acu, Rebecca, sa bhliain 1969. Fuair Walker agus a fear céile colscaradh sa bhliain 1976.

Sna 1990idí, bhí caidreamh ag Walker le amhránaí-scríbhneoir Tracy Chapman: "It was delicious and lovely and wonderful and I totally enjoyed it and I was completely in love with her but it was not anybody's business but ours," a dúirt sí.

Naisc sheachtracha

• Suíomh oifigiúil Alice Walker. Arna rochtain ar 27 Samhain 2016