De Hoop (Dokkum)
| De Hoop | ||
 mûne / mole
| ||
| ||
| De Hoop yn 2020 | ||
| lokaasje | ||
| lân |  Nederlân
| |
| provinsje |  Fryslân
| |
| gemeente |  Noardeast-Fryslân
| |
| plak |  Dokkum
| |
| adres | Suderbolwurk | |
| koördinaten | 53° 19' N 5° 59' E | |
| bysûnderheden | ||
| type mûne | stellingmûne | |
| funksje | nôtmûne | |
| oarspr. gebrûk | nôt- en pelmûne | |
| flecht | 22,75 meter | |
| boujier | 1849 | |
| oare ynformaasje | ||
| eigner | Stifting Monumintebehâld Noardeast-Fryslân | |
| monumintale status |  ryksmonumint
| |
| monumintnûmer | 13186 | |
| Webside | ||
| St. Monumintebehâld NEF | ||
| Kaart | ||
  | ||
De Hoop (yn 'e folksmûle ek Broekema's mûne) is in nôtmûne út 1849 yn Dokkum yn de gemeente Noardeast-Fryslân. De mûne is mei de Zeldenrust tige wichtich foar it stedsoansjen fan Dokkum.
Skiednis
[bewurkje seksje | boarne bewurkje]De mûne waard as nôt- en pelmûne boud op it bolwurk, dêr't oant 1840 in standermûne mei de namme 'De Grutte Mûne' stie. Troch ferkeap kaam de mûne yn 1924 yn hannen fan de famylje Broekema, dy't de mûne santich jier draaie liet. Dêrom waard de mûne ek wol Broekema's mûne neamd. Yn 1994 kocht de gemeente de mûne oan, dy't de mûne ûnderbrocht yn de Stifting Monumintebehâld Dongeradiel, dy't sûnt de gemeentefúzje yn 2022 de Stifting Monumintebehâld Noardeast-Fryslân hjit.
Restauraasjes fûnen yn 1965, 1995 en 2022-2023 plak.[1]
Beskriuwing
[bewurkje seksje | boarne bewurkje]De boppekruier is in achtkante stellingmûne, wêrfan't de stelling op in hichte fan 7,44 meter oanbrocht is. De mûne hat in houten ûnderbou en in reiddutsen boppebou mei kape. De binnenroede is Aldhollânsk ophekke en hat fokken mei in útnimber wynboerd. De bûtenroede hat Ten Have remkleppen en in Van Bussel streamlinenoas. De Hoop hat in flecht fan 22,75 meter en is de âldste fan de twa Dokkumer bolwurkmûnen.
De Zeldenrust
[bewurkje seksje | boarne bewurkje]De Wikipedy hat ek in side De Zeldenrust (Dokkum).
De oare Dokkumer mûne is de Zeldenrust, dy't tichteby op it Baantjebolwurk stiet.
Oars
[bewurkje seksje | boarne bewurkje]Yn 2015 presintearren de Dokkumers Warner Banga en Karel Jongsma fan de wurkgroep 'Molenerf' in plan om in tredde mûne op ien fan de Dokkumer bolwurken te bouwen. De doetiidske gemeente Dongeradiel wiisde oardel jier letter it inisjatyf fan de wurkgroep ôf, om't it plan net passe soe yn de romtlike oardering en it bestimmingsplan. De gemeente omskreau in rekonstruksje fan de mûne op it plak as in 'nijboud dekôrstik'.[2][3]
Sjoch ek
[bewurkje seksje | boarne bewurkje]Keppeling om utens
[bewurkje seksje | boarne bewurkje]| Boarnen, noaten en/as referinsjes: | ||
|
