Arthur Lowe

Arthur Lowe
akteur
Stânbyld fan Lowe as Captain Mainwaring
persoanlike bysûnderheden
nasjonaliteit	Berjocht:GBRnajs
berne	22 septimber 1915
berteplak	Hayfield, Derbyshire
stoarn	15 april 1982
stjerplak	Birmingham
etnisiteit	Ingelsk
jierren aktyf	1945-1982
offisjele webside
IMDb-profyl

Arthur Lowe (Hayfield, Derbyshire, 22 septimber 1915 - Birmingham, 15 april 1982) wie in Ingelsk akteur.

Lowe waard ûnder oare bekend fan syn rol as Captain Mainwaring yn de telefyzjerige Dad's Army en spile wit hoe folle rôlen yn (fral komyske) Britske telefyzjesearjes. Hy waard nominearre foar sân BAFTAs en waard ien fan de bekendste gesichten op telefyzje.

Biografy

Karriêre

Arthur Lowe waard grutbrocht yn Manchester en wie yn de Twadde Wrâldoarloch as militêr radartechnikus yn de Egyptyske woastyn. Hy die dêr út en troch mei oan toaniel- en kabaretfoarstellingen foar de troepen. Doe't er de tsjinst ferliet as sersjant-majoar hie er de smaak fan it aktearjen te pakken krige.

Lowe debutearre yn 1948 mei in roltsje yn de spylfilm London Belongs to Me, in dramafilm mei Richard Attenborough yn de haadrol. Ein jierren 40 en de jeirren 50 fan de 20e iuw bleau er lytse rollen spyljen yn films, lykas One Way Out (1955) en The Green Man (1956).

Yn 1958 spile er foar it earst yn in telefyzjerige, Leave It to Todhunter, in BBC-detektivesearje fan seis dielen, mei û.o. ek Ballard Berkeley (bekend as de senile majoar út Fawlty Towers). Noch itselde jier en it jier dêrop spile er yn de 26-dielige komedysearje All Aboard. Tusken 1960 en 1965 spile er de rol fan Leonard Swindley yn de langduorjende searje Coronation Street.

Lowe hie it drok yn de jierren 60. Hy hie gastrollen yn ûnder oaren Z Cars, The Avengers en Maigret en spile yn sylfilms. Teffens krige syn personaazge út Coronation Street yn 1965 syn eigen telefyzjerige mei de namme Pardon the Expression. De searje wie ien fan mar in pear spin-offs fan in soap, dy't omset waard yn in sitcom. Der waarden 36 ôfleveringen fan makke en yn 1967 waard der noch in searje fan 6 ôfleveringen om de persoan fan Leonard Swinley makke.

Sûnt 1968 spile Lowe syn bekende rol fan Captain Mainwaring yn Dad's Army. Yntusken die er noch folle mear, om't yn Ingelân it seizoen meast mar 6 ôfleveringen makke waarden. Yn 1971 waard der in spylfilm fan Dad's Army makke, mei sa'n bytsje alle akteurs fan de searje. Lowe bleau gastrollen spyljen yn oare searjes lykas de telefyzjerige Doctor at Large, de komedysearje The Last of the Baskets en de rige It's Murder But Is It Art. E siet er yn 1976 yn de 11-dielige searje Bill Brand.

In oare rol wêr't er yn Nederlân bekend fan is, is dyn fan Pastoar Charles Clement Duddleswell yn de komedysrige Bless Me Father (yn Nederlân Alle zegen komt van boven). Tusken 1978 en 1981 waarden der 21 ôfleveringen makke. Ek de rol fan Redvers Potter yn de telefyzjerige Potter (1979-1980) is frijiwat bekend.

De lêste searje fan Lowe waard koart foar syn dea opnaam en earst nei syn ferstjerre útstjoerd; it wie de komedysearje A.J. Wentworth, BA, dy't te sjen wie op ITV. Lowe's lêste wapenfeit wie de grut opsette minyrige Wagner, dy't yn 1983 útstjoerd waard. Hy spile de rol fan Meser.

Priveelibben

Op 10 jannewaris 1948 boaske Lowe oan aktrise Joan Cooper, mei wa't er oant syn dea troud bliuwe soe. Hy moete har by it reizgjend teäterselskip dêr't er sels ek by siet. Lowe en Cooper krigen yn 1953 in soan, Stephen. De lêste jierren fan syn libben waard Lowe's sûnens hieltyd minder, mei troch syn alkoholgebrûk. Hy wie oanhelle mei narkolepsy en hie ûnder mear lest fan hege bloeddruk. Fral om it syn frou nei it sin te meitsjen, dy't nei lange ôfwêzigens werom yn it teäter wie, bleau er hurd oan 't wurk.

Doe't Lowe 1982 yn syn klaaikeamer yn Birmingham hommels ferstoar oan in beroerte, wie er op teätertoernee. Lowe waard 66 jier. Eltsenien wie ferbjustere doe't Lowe's widdo der op oanstie dat de foarstelling fan dy jûn en ek folchjende gewoan troch gie. Se spile sels yn dat stik en woe der net fan ôfstappe.

Filmografy

Films

Filmografy as akteur
jier	titel	rol of funksje	opmerkings
films
1948	London Belongs to Me	Forins yn trein	Net op ôftiteling (n.o.o.)
1949	Floodtide	Pianist	n.o.o.
	Stop Press Girl	Archibald	n.o.o.
	Kind Hearts and Coronets	De ferslachjouwer
	Poet's Pub	Coach Guide	n.o.o.
	The Spider and the Fly	Gemeentesiktaris
	Cage of Gold	Koarte man	n.o.o.
	Gilbert Harding Speaking of Murder	3e dramakritikus
1954	Final Appointment	Mr. Barrett
1955	Reluctant Bride	Mr. Fogarty
	The Woman for Joe	George's agint	n.o.o.
	One Way Out	Sam
	Murder Anonymous	Fingerôfdrukekspert	n.o.o.
	Windfall		n.o.o.
1956	Who Done It?	Bit Part	n.o.o.
	Breakaway	Mitchell
	The Green Man	Radioferkeaper
	High Terrace		n.o.o.
1957	Hour of Decision	Saakkundige kalligrafy
	Stranger in Town	Jewelier
1958	Blind Spot	Automonteur	n.o.o.
	Stormy Crossing	Garaazje-eigener
1959	The Boy and the Bridge	Brêgetechnikus
1960	The Day They Robbed the Bank of England	Bankbestjoerder	n.o.o.
	Follow That Horse!	Feilingmaster	n.o.o.
1962	Go to Blazes	Sipier
1963	This Sporting Life	Charles Slomer
1965	You Must Be Joking!	Oare helte
1967	The White Bus	Boargemaster
1968	If....	Mr. Kemp: Staff
1969	It All Goes to Show	Riedslid Henry Parker
	The Bed-Sitting Room	Heit
1970	Spring and Port Wine	Mr. Aspinall
	Some Will, Some Won't	Plysjeman
	The Great Inimitable Mr. Dickens	John Dickens
	Fragment of Fear	Mr. Nugent
	The Rise and Rise of Michael Rimmer	Ferret
1971	A Hole Lot of Trouble	Whitehouse
	Dad's Army	Kaptein Mainwaring
1972	The Ruling Class	Daniel Tucker
	Adolf Hitler – My Part in His Downfall	Majoar Drysdale
1973	Theatre of Blood	Horace Sprout
	O Lucky Man!	Mr. Duff / Charlie Johnson / Dr. Munda
	No Sex Please, We're British	Mr. Bromley
1974	Man About the House	Spiros
1976	The Bawdy Adventures of Tom Jones	Dr. Thwackum
1977	The Strange Case of the End of Civilization as We Know It	Dr. William Watson, M.D.
1979	The Lady Vanishes	Charters
1980	Sweet William	Captain Walton
1982	Britannia Hospital	Besite fan pasjint

Telefyzje

Filmografy as akteur
jier	titel	rol of funksje	opmerkings
televyzje
1960–65 1965–1966 1967	Coronation Street Pardon the Expression Turn Out the Lights	Leonard Swindley
1968–1977	Dad's Army	Captain Mainwaring
1970	Rookery Nook	Harold Twine
1971	Doctor at Large	Dr Maxwell
1971–1972	The Last of the Baskets	Redvers Bodkin
1972	It's Murder, But Is It Art?	Phineas Drake
1974	Microbes and Men	Louis Pasteur
	David Copperfield	Wilkins Micawber
1977	Car Across the Pass		Galton & Simpson Playhouse
1978–1981	Bless Me, Father	Pastoar Charles Clement Duddleswell
1979	The Plank		Slapstick foar telefyzje
1979–1980	Potter	Redvers Potter
1982	A J Wentworth, BA	Arthur James Wentworth, B.A.	postúm